ചെന്നൈ: ക്രിക്കറ്റ് ആരാധകർക്ക് ആവേശമായി എം.എസ്. ധോണി വീണ്ടും കളത്തിലേക്ക്. ഐപിഎൽ സീസണിന്‍റെ മുന്നൊരുക്കമായി ധോണി മാർച്ച് രണ്ടിന് പരിശീലനം തുടങ്ങുമെന്ന് ചെന്നൈ സൂപ്പർ കിങ്സ് അറിയിച്ചു. ചെന്നൈ എംഎ ചിദംബരം സ്റ്റേഡിയത്തിലെ പരിശീലന സെഷനുകളിൽ സുരേഷ് റെയ്‌ന, അമ്പാട്ടി റായുഡു തുടങ്ങിയവരും ധോണിക്കൊപ്പമുണ്ടാകും. റെയ്‌നയും റായുഡുവും നേരത്തേ പരിശീലനം തുടങ്ങി. കുറച്ചു ദിവസം പരിശീലിച്ച ശേഷം ഇടവേള എടുക്കുന്ന ധോണി പിന്നീട് മാർച്ച് 19 നു തുടങ്ങുന്ന ടീം ക്യാംപിൽ ചേരും.
ഏകദിന ലോകകപ്പ് സെമിയിൽ ന്യൂസീലൻഡിനോടു തോറ്റ ശേഷം, മുപ്പത്തിയെട്ടുകാരനായ ധോണി ഇന്ത്യയ്ക്കു വേണ്ടി കളിച്ചില്ല. രാജ്യാന്തര കരിയറിനെക്കുറിച്ച് മൗനം തുടരുന്നതിനിടെയാണ് ഐപിഎല്ലിലേക്കുള്ള ധോണിയുടെ വരവ്. ഇടക്കാലത്ത് ധോണി വിരമിക്കുമെന്ന് ശക്തമായ അഭ്യൂഹങ്ങൾ പരന്നെങ്കിലും താരം പ്രതികരിച്ചിരുന്നില്ല. അതേസമയം, ഐപിഎല്ലിൽ ധോണി മികച്ച പ്രകടനം കാഴ്ചവച്ചാൽ ദേശീയ ടീമിലേക്ക് മടങ്ങിയെത്തിയേക്കുമെന്ന തരത്തിൽ ബിസിസിഐ പ്രസിഡന്റ് സൗരവ് ഗാംഗുലിയും ഇന്ത്യൻ ടീം പരിശീലകൻ രവി ശാസ്ത്രിയും പലതവണ സൂചന നൽകിയിരുന്നു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: