കൊച്ചി: സിനിമാ പ്രമികൾക്ക് ഉത്സവകാലമാണ് ഇപ്പോൾ. സൂപ്പർ ഹിറ്റ് ചിത്രങ്ങൾ തീയേറ്ററിൽ നിറഞ്ഞോടുന്ന കാഴ്ച്ചയാണ് കേരളത്തിൽ. വരനെ ആവശ്യമുണ്ട്, അയ്യപ്പനും കോശിയും എന്നീ ചിത്രങ്ങളാണ് കേരളത്തിൽ ഇപ്പോൾ തരംഗം സൃഷ്ടിച്ചുകൊണ്ടിരിക്കുന്നത്. ഇതിനിടെ ചിത്രങ്ങളുടെ ബോക്‌സ് ഓഫീസ് കലക്ഷൻ വിവരങ്ങളും പുറത്തു വന്നു കഴിഞ്ഞു. വരനെ ആവശ്യമുണ്ട് ബോക്‌സ് ഓഫീസിൽ 25 കോടിയതായി അണിയറക്കാർ കഴിഞ്ഞ ദിവസം അറിയിച്ചിരുന്നു. ഇതിനു പിന്നാലെയാണ് പൃഥ്വിരാജും ബിജു മേനോനും മുഖ്യ കഥാപാത്രങ്ങളായെത്തിയ "അയ്യപ്പനും കോശിയും" ബോക്‌സോഫീസിൽ 30 കോടി പിന്നിട്ടതായ വിവരം പുറത്തു വരുന്നത്.
ദുല്‍ഖര്‍ സല്‍മാന്‍ ചിത്രം "വരനെ ആവശ്യമുണ്ട്" തീയേറ്ററുകളിലെത്തിയ ഫെബ്രുവരി ഏഴിന് തന്നെയാണ് "അയ്യപ്പനും കോശിയും" തിയറ്ററുകളിലെത്തിയത്. "വരനെ ആവശ്യമുണ്ട്" എന്ന സിനിമയിൽ സുരേഷ് ഗോപി, ശോഭന, കല്യാണി പ്രിയദര്‍ശൻ എന്നിവര്‍ക്കൊപ്പം ദുല്‍ഖറാണ് കേന്ദ്ര കഥാപാത്രത്തെ അവതരിപ്പിച്ചത്. ചിത്രം വേള്‍ഡ് വൈഡ് ഗ്രോസ് കളക്ഷനായി നേടിയത് 25 കോടിയാണ്. ഇത് താരതമ്യം ചെയ്യുമ്പോൾ പൃഥ്വിരാജ് -ബിജുമേനോന്‍ ചിത്രത്തിന്‍റെ കലക്ഷന്‍ തുക ദുല്‍ഖര്‍ ചിത്രത്തെ വെട്ടിച്ചിരിക്കുകയാണ്.
2020 തുടക്കം മുതല്‍ പുറത്തിറങ്ങിയ ചിത്രങ്ങളിൽ മിക്കതും മലയാള സിനിമയ്ക്ക് തുടര്‍ച്ചയായ വാണിജ്യ വിജയങ്ങൾ സമ്മാനിക്കുകയാണ്. അനാര്‍ക്കലിക്ക് ശേഷം സച്ചി സംവിധാനം ചെയ്‌ത ചിത്രമാണ് "അയ്യപ്പനും കോശിയും". ചിത്രം മൂന്നാം ആഴ്ചയിലേക്ക് കടന്നപ്പോൾ സിനിമ കേരളത്തില്‍ നിന്ന് മാത്രം ഗ്രോസ് കളക്ഷനായി 22 കോടി നേടിയതായാണ് റിപ്പോര്‍ട്ടുകള്‍ സൂചിപ്പിക്കുന്നത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: