ന്യൂഡല്‍ഹി: രാജ്യം കാത്തിരുന്ന ന്യൂഡെൽഹി നിയമസഭാ തെരഞ്ഞെടുപ്പിനു തുടക്കമായി. ആം ആദ്മി, ബിജെപി, കോൺഗ്രസ് ത്രികോണ മത്സരം നടക്കുന്ന ഡെൽഹി ഇത്തവണ ആർക്കൊപ്പമെന്നത് അറിയാൻ ഇനി മണിക്കൂറുകൾ മാത്രം ബാക്കി. ഇന്നു വൈകിട്ടോടെ എക്സിറ്റ് പോൾ ഫലങ്ങൾ പുറത്തു വരും. 70 മണ്ഡലങ്ങളിലായി 672 സ്ഥാനാര്‍ഥികളുമായി 1.47 കോടിയോളം വോട്ടര്‍മാരാണ് ഇന്നു ഡല്‍ഹിയുടെ വിധിയെഴുതുന്നത്.
അഞ്ചു വര്‍ഷം മുന്‍പു സ്വന്തമാക്കിയ 70ല്‍ 67 സീറ്റെന്ന കൊടിപാറിയ വിജയത്തിന്‍റെ പകിട്ടു കൂട്ടാനൊരുങ്ങി ആം ആദ്മി പാര്‍ട്ടി (എഎപി)യും, ലോക്സഭ തിരഞ്ഞെടുപ്പില്‍ ഏഴു സീറ്റ് പിടിച്ചടക്കിയ ആവേശത്തില്‍ ബിജെപിയും, കൈവിട്ട ദേശീയ തലസ്ഥാനം തിരികെ ‘കൈ’പ്പിടിയിലൊതുക്കാമെന്ന പ്രതീക്ഷയോടെ കോണ്‍ഗ്രസും. തെരഞ്ഞെടുപ്പിന്‍റെ ഭാഗമായി തലസ്ഥാനമൊട്ടാകെ കനത്ത സുരക്ഷയാണ്. പൗരത്വ ഭേദഗതി നിയമത്തിനെതിരെ പ്രതിഷേധം തുടരുന്ന ഷഹീന്‍ബാഗ് ഉള്‍പ്പെടെയുള്ള മേഖലകളില്‍ കൂടുതല്‍ സുരക്ഷ ഏര്‍പ്പെടുത്തി.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: