ഷെയ്ൻ നിഗം നായകനാകുന്ന 'ഖൽബ്' എന്ന് പേരിട്ടിരിക്കുന്ന പുതിയ ചിത്രത്തിൽ വില്ലനാകുന്നത് റിയാലിറ്റിഷോ താരമായ നെവിൻ അഗസ്റ്റിൻ. ഇടി, മോഹൻലാൽ എന്നീ ചിത്രങ്ങൾ സംവിധാനം ചെയ്ത നടൻ സാജിദ് യഹിയ സംവിധാനം ചെയ്യുന്ന പുതിയ ചിത്രമാണ് ഖൽബ്.
ജോഷ് ടോക്സ് ഓൺലൈൻ ചാനലിലൂടെ പങ്കുവെച്ചിരിക്കുന്ന വീഡിയോയിലാണ് ഖൽബിൽ താൻ വില്ലൻ വേഷത്തിലെത്തുന്ന കാര്യം നെവിൻ വ്യക്തമാക്കിയിരിക്കുന്നത്. നിന്നില് തുടങ്ങി നിന്നില് ഒടുങ്ങാന് ഒരുങ്ങുന്ന എൻ്റെ ഖല്ബിൻ്റെ മിടിപ്പുകള് എന്ന ടാഗ് ലൈനോടു കൂടിയായിരുന്നു ചിത്രത്തിന്റെ ടൈറ്റിൽ പോസ്റ്റര് പുറത്തുവിട്ടിരുന്നത്.
ഒരു പ്രണയ ചിത്രമാണെന്നാണ് പോസ്റ്റർ തന്നിരുന്ന സൂചന. ഗാനരചയിതാവായ സുഹൈല് കോയയും സംവിധായകൻ സാജിദ് യഹിയയും ചേര്ന്നാണ് ഈ ചിത്രത്തിന് തിരക്കഥയും സംഭാഷണവും ഒരുക്കുന്നത്. 2020 ഈദ് റിലീസായി ഖല്ബ് തിയ്യേറ്ററുകളിലേക്ക് എത്തുമെന്നാണ് സൂചന.
റിയാലിറ്റിഷോ താരവും ചലച്ചിത്രനടനുമായ നെവിൻ അഗസ്റ്റിൻ മഴവിൽ മനോരമയിലെ 'നായികാ നായകൻ' എന്ന ഷോയിലൂടെയാണ് പ്രശസ്തനായത്. കൊച്ചിയിലെ മട്ടാഞ്ചേരിയിൽ ഒരു സാധാരണ മത്സ്യത്തൊഴിലാളി കുടുംബത്തിലാണ് നെവിൻ ജനിച്ചത്. 18-ാം വയസ്സിൽ കപ്പലിൽ പോയി തുടങ്ങി. ഒരു അപകടത്തിൽ തലച്ചോറിന് ഗുരുതരമായ പരിക്കേറ്റു.
ഏറെ നാളത്തെ ചികിത്സകള്ക്കും മറ്റും ശേഷമാണ് ജീവിതത്തിലേക്ക് തിരിച്ചെത്തിയത്. ഇപ്പോൾ കോളേജ് പരിപാടികള്ക്കുള്പ്പെടെ അതിഥിയായി എത്തുന്നുമുണ്ട് നെവിൻ. ഏതാനും മ്യൂസിക് വീഡിയോകളിലും താരം അഭിനയിച്ചിട്ടുണ്ട്. കൂടാതെ സിനിമയിൽ അഭിനയിക്കുന്നതിനായുള്ള ഓഫറുകൾ താരത്തിന് ലഭിക്കുന്നുമുണ്ട്.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: