ഇന്നോവ കാർ നിർത്തിയിട്ട ബസിലേക്ക് ഇടിച്ചു കയറി; നാല് പേർക്ക് പരുക്ക്

ഇടുക്കി: നിർത്തിയിട്ടിരുന്ന സ്വകാര്യ ബസിലേക്ക് കാർ ഇടിച്ചു കയറി നാല് പേർക്ക് പരുക്ക്. നെടുങ്കണ്ടം പടിഞ്ഞാറേ കവലയ്ക്ക് സമീപം ബുധനാഴ്ച്ച പുലർച്ചെ അഞ്ചരയോടെയായിരുന്നു അപകടം. അടൂരിൽ നിന്നും മൂന്നാറിലേക്ക് പോയ ഇന്നോവ കാറാണ് അപകടത്തിൽപെട്ടത്. 

അടൂർ സ്വദേശികളായ ജിബിൻ (32), ബിബിൻ (33), അനു ജേക്കബ് (22), ജോയൽ സണ്ണി (17) എന്നിവർക്കാണ് പരുക്കേറ്റത്. ഇവരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. 

ഡ്രൈവർ ഉറങ്ങിപ്പോയതാണ് അപകട കാരണമെന്നാണ് കരുതുന്നത്. കാർ അമിത വേഗതയിലായിരുന്നുവെന്നും റിപ്പോർട്ടുണ്ട്. അപകടത്തിൽ കാർ പൂർണമായും തകർന്നു. നെടുങ്കണ്ടം പൊലീസ് മേൽനടപടി സ്വീകരിച്ചിട്ടുണ്ട്.  

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/KXENxMQq8p0GB9zypaK3W5

അഞ്ച് ദിവസം കനത്ത മഴയ്ക്ക് സാധ്യത 

തിരുവനന്തപുരം: അടുത്ത അഞ്ച് ദിവസം കേരളത്തിൽ വിവിധയിടങ്ങളിൽ ഇടിയോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. ബംഗാൾ ഉൾക്കടലിൽ തെക്കൻ ആൻഡമാൻ കടലിൽ ചക്രവാത ചുഴി രൂപപ്പെട്ടിട്ടുണ്ട്. ഇത് വെള്ളിയാഴ്ച്ചയോടെ ന്യൂനമർദമായും തുടർന്നുള്ള 48 മണിക്കൂറിൽ വടക്ക് പടിഞ്ഞാറ് ദിശയിൽ സഞ്ചരിച്ച് തീവ്ര ന്യൂനമർദമായും മാറാനുള്ള സാധ്യതയുണ്ട്. 

ഇതിനെ തുടർന്നാണ് കേരളത്തിൽ അഞ്ച് ദിവസം മഴ പ്രതീക്ഷിക്കുന്നത്. തെക്കെ ഇന്ത്യയ്ക്ക് മുകളിലെ ന്യൂനമർദ പാത്തി, കിഴക്ക് പടിഞ്ഞാറൻ കാറ്റുകളുടെ സംയോജനം എന്നിവയുടെ സ്വാധീനവും മഴയ്ക്ക് കാരണമാകും. 

ഇന്നും കേരളത്തിൽ വ്യാപകമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. കാസർകോട്, വയനാട്, കോഴിക്കോട്, മലപ്പുറം, പാലക്കാട് ജില്ലകളിൽ ശക്തമായ മഴയാണ് പ്രവചിക്കുന്നത്.