ദുബൈ: ഉത്സവ സീസണുകളിൽ ടിക്കറ്റ് നിരക്ക് ഇത്തവണയും ഇരട്ടിയാക്കാനൊരുങ്ങി വിമാന കമ്പനികൾ. ദസറ, ദീപാവലി ആഘോഷങ്ങൾ വരാനിരിക്കെ ഒക്റ്റോബറിൽ നിരക്ക് വർധന വരുമെന്ന റിപ്പോർട്ടുകളാണ് പുറത്തു വരുന്നത്. ദുബൈ ഉള്പ്പെടെയുള്ള പ്രധാന ഡെസ്റ്റിനേഷനുകളിലേക്കുള്ള ബുക്കിങ് അന്വേഷണങ്ങള് ലഭിച്ചു തുടങ്ങിയതായി ട്രാവല് ഏജന്റുമാര് പറയുന്നു.
ഒക്ടോബര് 24ന് ദീപാവലി ആഘോഷങ്ങള്ക്ക് തുടക്കമാവുമ്പോള് ഒക്ടോബര് 24നാണ് ഉത്തരേന്ത്യയിലെ ദസറ. വിമാന ടിക്കറ്റ് നിരക്ക് ഇരട്ടിയായെങ്കിലും വർധിക്കുമെന്നാണ് യുഎഇയിലെ ട്രാവല് ഏജന്സികള് അഭിപ്രായപ്പെടുന്നത്.
പൊതുവെ ഉത്തരേന്ത്യയില് നിന്ന് യുഎഇയിലേക്ക് വരുന്ന വിനോദ സഞ്ചാരികളുടെ എണ്ണം വർധിക്കുന്ന സമയാണിത്. ഇന്ത്യയ്ക്കും യുഎഇക്കും ഇടയില് ഈ കാലയളവിനിടയില് വിമാന സര്വീസുകളുടെ എണ്ണം കൂടാന് സാധ്യതയില്ലാത്തിതിനാല് യാത്രക്കാരുടെ എണ്ണം വർധിക്കുന്നതിനനുസരിച്ച് വിമാന ടിക്കറ്റ് നിരക്ക് മുകളിലേക്ക് നീങ്ങിത്തുടങ്ങും.
ഒക്റ്റോബറിലേക്ക് നാട്ടിലേക്കും തിരിച്ചുമുള്ള യാത്രകള് ആലോചിക്കുന്നവര് പരമാവധി നേരത്തെ തന്നെ ടിക്കറ്റ് ബുക്ക് ചെയ്യുകയാണ് വില വർധനവില് നിന്ന് രക്ഷപെടാനുള്ള വഴി.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JsVgnGYPwOZ0Bsjs6hu5nD
Post A Comment: