ഹൈദ്രാബാദ്: മദ്യപിച്ചെത്തി അമ്മയെ മർദിക്കുന്ന പിതാവിനെതിരെ പരാതിയുമായി ഏഴ് വയസുകാരൻ പൊലീസ് സ്റ്റേഷനിൽ. തെലങ്കാനയിലാണ് സംഭവം. രാജന്ന സിർസ ജില്ലയിലെ മുസ്താബാദിലാണ് കുട്ടി നേരിട്ട് പൊലീസ് സ്റ്റേഷനിലെത്തിയത്.
മൂന്നാം ക്ലാസ് വിദ്യാർഥിയായ ഭരത് എന്ന കുട്ടിയാണ് അച്ഛനെതിരെ പൊലീസിൽ പരാതി നൽകിയത്. അച്ഛൻ മദ്യത്തിന് അടിമയാണെന്നും അമ്മയെ ദിവസവും മർദിക്കുകയാണെന്നും കുട്ടി പൊലീസിനോട് പറഞ്ഞു. താനും അനിയത്തിയും നോക്കി നിൽക്കെയാണ് മർദനമെന്നും വീട്ടുകാർ അറിയാതെയാണ് താൻ പൊലീസ് സ്റ്റേഷനിൽ എത്തിയതെന്നും കുട്ടി പറഞ്ഞു.
ഉയർന്ന പക്വതയോടെയാണ് കുട്ടി താൻ നേരിടുന്ന പ്രതിസന്ധി പൊലീസിനെ അറിയിച്ചത്. എസ്ഐ ചോദിച്ച ചോദ്യങ്ങൾക്കും ഭരത് പക്വതയോടെ ഉത്തരം പറഞ്ഞു. തുടർന്ന് പൊലീസ് കുട്ടിയുടെ അമ്മയെയും അച്ഛനെയും വിളിച്ചു വരുത്തി കൗൺസിലിങ്ങ് നൽകി. കുട്ടി പരാതി പറയുന്ന വീഡിയോ പൊലീസുകാരിൽ ഒരാൾ പകർത്തിയതോടെയാണ് സംഭവം വൈറലായി മാറിയത്. #Sircilla(Telangana) A class III student S Bharath approach Mustabad SI V VVenaktesharlu. The student asked for help, his father was beating mother after consuming liquor. @XpressHyderabad @NewIndianXpress @spsircilla pic.twitter.com/7V1w7YXbHm
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JsVgnGYPwOZ0Bsjs6hu5nD
ഇന്നും മഴ; പത്തനംതിട്ടയിൽ അവധി
തിരുവനന്തപുരം: സംസ്ഥാനത്ത് മഴ ശക്തമായി തുടരുന്നു. ഒറ്റപ്പെട്ട ശക്തമായ മഴ തുടരുന്ന സാഹചര്യത്തിൽ പത്തനംതിട്ട ജില്ലയിൽ ഇന്ന് അവധി പ്രഖ്യാപിച്ചിട്ടുണ്ട്. പ്രൊഫഷ്ണൽ വിദ്യാഭ്യാസ സ്ഥാപനങ്ങൾക്കാണ് അവധി പ്രഖ്യാപിച്ചിരിക്കുന്നത്. എന്നാൽ സർവകലാശാല പരീക്ഷകൾക്ക് മാറ്റമില്ല. കക്കി ആനത്തോട് ഡാമിന്റെ ഷട്ടറുകൾ കൂടുതൽ ഉയർത്തിയിട്ടുണ്ട്
അതേസമയം കാസർകോട് ഒഴികെയുള്ള പതിമൂന്ന് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചു. ഉരുൾപൊട്ടൽ സാധ്യത കണക്കിലെടുത്ത് മലയോര മേഖലയിൽ കൂടുതൽ ജാഗ്രത വേണമെന്ന് നിർദേശിച്ചിട്ടുണ്ട്.
കേരള തീരത്ത് മത്സ്യബന്ധനത്തിന് വിലക്കേർപ്പെടുത്തിയിട്ടുണ്ട്. കേരളത്തിന് സമീപത്തും ബംഗാൾ ഉൾക്കടലിലും നിലനിൽക്കുന്ന ചക്രവാതച്ചുഴിയുമാണ് മഴ ശക്തമാകാൻ കാരണം.
പത്തനംതിട്ടയിലും കോട്ടയത്തും എറണാകുളത്തും ആലപ്പുഴയിലും കനത്ത മഴ തുടരുകയാണ്. കോട്ടയം മീനച്ചിലാറ്റിൽ ജലനിരപ്പ് ഉയർന്നു. ജില്ലയിൽ 43 കുടുംബങ്ങളെ ദുരിതാശ്വാസ ക്യാംപിലേക്ക് മാറ്റിയിട്ടുണ്ട്.
ശക്തമായ മഴയെത്തുടർന്ന് വെള്ളക്കെട്ടുകൾ രൂപപ്പെട്ട സാഹചര്യത്തിൽ കോട്ടയം ജില്ലയിലെ മൂന്നു താലൂക്കുകളിൽ വിദ്യാഭ്യാസ സ്ഥാപനങ്ങൾക്ക് ഇന്ന് അവധി നൽകിയിട്ടുണ്ട്. കോട്ടയം, ചങ്ങനാശേരി, വൈക്കം താലൂക്കുകളിലെ വിദ്യാഭ്യാസ സ്ഥാപനങ്ങൾക്ക് ആണ് അവധി.
മുൻ നിശ്ചയിച്ച സർവകലാശാലാ പരീക്ഷകൾക്ക് മാറ്റമില്ല. എറണാകുളം ജില്ലയിൽ രാത്രി തുടങ്ങിയ മഴയ്ക്ക് ശമനമില്ല. കൊച്ചി നഗരത്തിലും മഴ തുടരുകയാണ്. പെരിയാറിൽ ജലനിരപ്പ് താഴ്ന്ന നിലയിൽ ആണ്.
ആലപ്പുഴയിൽ രാത്രി മുതൽ തുടരുന്ന കനത്ത മഴയിൽ കുട്ടനാട്ടിലും അപ്പർ കുട്ടനാട്ടിലും ജലനിരപ്പ് ഉയർന്നു. കിഴക്കൻ വെള്ളത്തിന്റെ വരവും കൂടി. കുട്ടനാട് താലൂക്കിലെ എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ ഇന്ന് അവധി പ്രഖ്യാപിച്ചു.
Post A Comment: