ബംഗളൂരു: വിവാദ ആൾ ദൈവം നിത്യാനന്ദക്കെതിരെ ജാമ്യമില്ലാ വാറന്റ് പുറപ്പെടുവിച്ച് ബംഗളൂരു രാമനഗര സെഷൻസ് കോടതി. തെന്നിന്ത്യൻ നടി രഞ്ജിതയുമായുള്ള ലൈംഗിക വീഡിയോ മുൻ ഡ്രൈവർ ലെനിൻ കറുപ്പൻ 2010 മാർച്ച് രണ്ടിന് സ്വകാര്യ ടി.വി ചാനലിലൂടെ പുറത്തു വിട്ട കേസിലാണിത്. നിത്യാനന്ദക്കെതിരെ ഒട്ടേറെ സമൻസ് പുറപ്പെടുവിച്ചിട്ടും ഹാജരാകാത്ത സാഹചര്യത്തിലാണ് ജാമ്യമില്ലാ വാറന്റ് പുറപ്പെടുവിച്ചത്.
നേരത്തെ ഈ കേസിൽ അറസ്റ്റിലായ നിത്യാനന്ദ ജാമ്യത്തിലിറങ്ങി കാലാവധി തീർന്ന പാസ്പോർട്ട് ഉപയോഗിച്ച് നേപ്പാൾ വഴി ഇക്വഡോറിലേക്ക് കടക്കുകയായിരുന്നു. 2018 മുതൽ വിചാരണയിൽ നിന്നും വിട്ടു നിൽക്കുന്നതിനാൽ 2020ൽ കോടതി ജാമ്യം റദ്ദാക്കി.
യുഎസിൽ നിന്നുള്ള ഇന്ത്യൻ വംശജയെ അഞ്ച് വർഷം ആശ്രമത്തിൽ പാർപ്പിച്ചു പീഡിപ്പിച്ചെന്നുള്ള കേസിലും ഇയാൾക്കെതിരെ കർണാടക സിഐഡി വിഭാഗം അന്വേഷണം നടത്തുന്നുണ്ട്. ഗുജറാത്തിൽ നിന്നും പ്രായപൂർത്തിയാകാത്ത പെൺകുട്ടികളെ തട്ടിക്കൊണ്ടുവന്ന കേസിൽ നേരത്തെ ഇന്റർപോൾ നിത്യാനന്ദക്കെതിരെ ബ്ലൂ കോർണർ നോട്ടീസും പുറപ്പെടുവിച്ചിരുന്നു.
അതേസമയം നിത്യാനന്ദ ഇപ്പോൾ എവിടെയാണെന്ന് ആർക്കും അറിയില്ല. അജ്ഞാത കേന്ദ്രത്തിൽ കൈലാസം എന്ന പേരിൽ രാജ്യം സൃഷ്ടിച്ച് സ്വന്തമായി പാസ്പോർട്ടും കറൻസിയും ഉണ്ടാക്കി വിലസുകയാണെന്ന വിവരമാണ് ഒടുവിൽ ഇയാളെ കുറിച്ച് ലഭിച്ചത്. ഇന്റർപോളിന്റെ സഹായത്തോടെ ഇയാളുടെ ഒളിയിടം കണ്ടെത്താൻ ശ്രമിച്ചെങ്കിലും ഫലമുണ്ടായിട്ടില്ല.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/FqW7VJGGtZ9IrG38Ai0WK1
യുവാവിന്റെ സ്വകാര്യ ഭാഗത്ത് സ്റ്റീൽ ഗ്ലാസ് കുത്തിക്കയറ്റി
ഭുവനേശ്വർ: മദ്യലഹരിയിൽ യുവാവിന്റെ സ്വകാര്യ ഭാഗത്ത് സ്റ്റീൽ ഗ്ലാസ് കുത്തിക്കയറ്റി. ഒഡീഷയിലാണ് ഞെട്ടിക്കുന്ന സംഭവം നടന്നത്. ഗഞ്ചാം സ്വദേശിയായ കൃഷ്ണ റൗട്ടാണ് ഗുരുതരാവസ്ഥയിൽ ആശുപത്രിയിൽ ചികിത്സ തേടിയത്.
ഇയാളുടെ സുഹൃത്തുക്കൾ തന്നെയാണ് ക്രൂരത ചെയ്തതെന്ന് യുവാവ് പറഞ്ഞു. ഗുജറാത്തിലെ ജോലി സ്ഥലത്ത് കൂട്ടുകാർക്കൊപ്പം മദ്യപിക്കുമ്പോഴായിരുന്നു സംഭവം. മദ്യലഹരിയിലായ യുവാക്കൾ തന്റെ സ്വകാര്യ ഭാഗത്ത് സ്റ്റീൽ ഗ്ലാസ് തിരുകി കയറ്റുകയായിരുന്നു.
എന്നാൽ ഇക്കാര്യം ആരോടും പറയാതെ ഇയാൾ നാട്ടിലേക്ക് മടങ്ങി. വേദന സഹിക്കാൻ കഴിയാതെ വന്നതോടെ എംകെസിജി ആശുപത്രിയിൽ ചികിത്സ തേടിയതോടെയാണ് വിവരം പുറത്തറിയുന്നത്. അക്രമണം നടന്ന് 10 ദിവസത്തിനു ശേഷം ശസ്ത്രക്രിയയിലൂടെ ഗ്ലാസ് പുറത്തെടുത്തു. യുവാവിന്റെ ആരോഗ്യ നില ഇപ്പോൾ തൃപ്തികരമാണ്.
Post A Comment: