മുംബൈ: ഉറിയടിക്കാൻ ഉണ്ടാക്കിയ മനുഷ്യ പിരമിഡിനു മുകളിൽ നിന്നും വീണ് യുവാവ് മരിച്ചു. ശ്രീകൃഷ്ണ ജയന്തി ആഘോഷങ്ങളുടെ ഭാഗമായി നടത്തിയ ഉറിയടിക്കിടെയാണ് അപകടം. മുംബൈ വിലെ പാർലെയിലാണ് അപകടം നടന്നത്. 24കാരനായ സന്ദേശ് ദാൽവിയാണ് വീണു മരിച്ചത്.
ഇവിടങ്ങളിൽ ഉറിയടിക്കാനായി വൻ മനുഷ്യ പിരമിഡുകൾ ഉണ്ടാക്കുന്നത് പതിവാണ്. ഇത്തരത്തിൽ ഒരു മനുഷ്യ പിരമിഡ് തീർക്കവെ യുവാവ് ഏറ്റവും മുകളിൽ നിന്നും കാൽ വഴുതി താഴേക്ക് പതിക്കുകയായിരുന്നു.
നിരവധി പേർ നോക്കി നിൽക്കെയായിരുന്നു അപകടം. സംഭവത്തിന്റെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. ഉറിയടിക്കാനായി ആളുകൾ ഒന്നിനു മുകളിൽ ഒന്നായി കയറിയാണ് പിരമിഡ് തീർക്കുന്നത്.
വീഴ്ച്ചയിൽ ഗുരുതരമായി പരുക്കേറ്റ യുവാവിനെ കൂപ്പർ ആശുപത്രിയിലും പിന്നീട് ആരോഗ്യ നില വഷളായതോടെ നാനാവതി ആശുപത്രിയിലേക്കും മാറ്റിയിരുന്നു. എന്നാൽ ചികിത്സയിലിരിക്കെ മരണം സംഭവിക്കുകയായിരുന്നു. സംഭവത്തിൽ ആഘോഷ പരിപാടിയുടെ സംഘാടകർക്കെതിരെ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
24-year-old #SandeshDalvi died after falling from the fifth tier of a human pyramid formed during #DahiHandi celebrations in #Mumbai pic.twitter.com/FEzCAbHllA
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JsVgnGYPwOZ0Bsjs6hu5nD
സംസ്കാര ചടങ്ങിനിടെ മൂന്ന് വയസുകാരി കണ്ണ് തുറന്നു
മെക്സിക്കോ: മരിച്ച് 12 മണിക്കൂർ കഴിഞ്ഞ് നടത്തിയ സംസ്കാര ചടങ്ങിനിടെ പെൺകുട്ടി കണ്ണ് തുറന്നു. മെക്സിക്കോയിലാണ് സംഭവം നടന്നത്. കാമില റൊക്സാന മാർട്ടിനെസ് മെൻഡോസ എന്ന മൂന്നു വയസുള്ള പെൺകുട്ടിയാണ് സംസ്കാര ചടങ്ങിനിടെ കണ്ണ് തുറന്നത്. ഓഗസ്റ്റ് 17 ബുധനാഴ്ചയാണ് കുട്ടി മരിച്ചതായി ഡോക്ടര്മാര് വിധി എഴുതിയത്. ഇതിനു ശേഷം 12 മണിക്കൂർ കഴിഞ്ഞായിരുന്നു സംസ്കാര ചടങ്ങുകൾ.
കുട്ടി കണ്ണ് തുറന്നതോടെ നേരത്തെ കാണിച്ചിരുന്ന അതേ ആശുപത്രിയില് തന്നെ എത്തിച്ചു. എന്നാല്, ചികിത്സയിലിരിക്കെ കുട്ടി പിന്നീട് അതേ ആശുപത്രിയിൽ തന്നെ മരിച്ചു. സെന്ട്രല് മെക്സിക്കോയിലെ സാന് ലൂയിസ് പോട്ടോസി സ്റ്റേറ്റിലെ സലീനാസ് ഡി ഹില്ഡാല്ഗോ കമ്മ്യൂണിറ്റി ഹോസ്പിറ്റലിലാണ് സംഭവം നടന്നത്.
പനി, ഛര്ദ്ദി, വയറുവേദന എന്നിവയെ തുടര്ന്നാണ് നേരത്തെ മൂന്നുവയസുകാരിയായ കുഞ്ഞിനെ ശിശുരോഗ വിദഗ്ദ്ധന്റെ അടുത്ത് കൊണ്ടുപോയത് എന്ന് കാമിലയുടെ അമ്മ മേരി ജെയിന് മെന്ഡോസ പറഞ്ഞു. ഇവിടെ വച്ച് കുട്ടിക്ക് ഡീഹൈഡ്രേഷന് ഉണ്ട് എന്ന് പറയുകയും പാരാസെറ്റാമോള് നല്കുകയും ചെയ്തു. മണിക്കൂറുകള്ക്ക് ശേഷം, കാമിലയുടെ നില വഷളായതായി മാതാപിതാക്കള് ശ്രദ്ധിച്ചതിനെ തുടര്ന്ന്, അവര് അവളെ തിരികെ ആശുപത്രിയിലേക്ക് കൊണ്ടുപോയി. അവിടെ രാത്രി ഒമ്പത് മണിക്കും 10 മണിക്കും ഇടയില് അവള് മരിച്ചതായി പ്രഖ്യാപിക്കുകയും ചെയ്തു.
ശവസംസ്കാരചടങ്ങിനിടെ ശവപ്പെട്ടിയില് നീരാവി നിറഞ്ഞിരിക്കുന്നതായി ഒരാളുടെ ശ്രദ്ധയില് പെട്ടു. എന്നാല്, അത് ചൂണ്ടിക്കാണിച്ചപ്പോള് അത് വെറും തോന്നലാണ് എന്നും പറഞ്ഞ് ആളുകള് അത് തള്ളിക്കളയുകയും ചെയ്തു. എന്നാല്, കുഞ്ഞിന്റെ മുത്തശിയാണ് കുഞ്ഞിന്റെ കണ്ണുകള് അനങ്ങുന്നുണ്ട് എന്ന് പറഞ്ഞത്. ഉടനെ തന്നെ ശവപ്പെട്ടി തുറക്കുകയും കുഞ്ഞിന്റെ പള്സ് നോക്കുകയും ചെയ്തപ്പോള് അവള് മരിച്ചിട്ടില്ല എന്ന് ബോധ്യപ്പെടുകയായിരുന്നു.
അങ്ങനെ അവള് മരിച്ചു എന്ന് പ്രഖ്യാപിക്കപ്പെട്ട അതേ ആശുപത്രിയിലേക്ക് തന്നെ അവളെ വീണ്ടും കൊണ്ടുപോയി. കുറച്ച് നേരങ്ങള്ക്ക് ശേഷം കുട്ടി ശരിക്കും മരിക്കുകയും ചെയ്തു.
Post A Comment: