ഇടുക്കി: പൊലീസ് സ്റ്റേഷനുള്ളിൽ 500 രൂപാ നോട്ടുകൾ കീറിയെറിഞ്ഞ് യുവാവിന്റെ പരാക്രമം. നെടുങ്കണ്ടം പാറത്തോട് സ്വദേശി സബിൻ ഹൗസിൽ പ്രകാശാണ് വിചിത്രമായ പരാക്രമം നടത്തിയത്. നെടുങ്കണ്ടം പൊലീസ് സ്റ്റേഷനിൽവച്ചാണ് ഇയാൾ നോട്ടുകൾ കീറിയെറിഞ്ഞത്. സംഭവത്തിൽ പൊതുമുതൽ നശിപ്പിച്ച കുറ്റം ചുമത്തി ഇയാളെ പൊലീസ് അറസ്റ്റ് ചെയ്തു.
മറ്റൊരു കേസുമായി ബന്ധപെട്ട് സ്റ്റേഷനില് എത്തിയതായിരുന്നു പ്രകാശ്. പ്രകാശും സുഹൃത്തായ ശരത്കുമാറും ചേര്ന്ന് അടുത്തിടെ വാഹനം വാങ്ങിയിരുന്നു. എന്നാല് പ്രകാശിനെ അറിയിക്കാതെ ശരത്കുമാര് വാഹനം കടത്തികൊണ്ട് പോയെന്ന പരാതിയിലാണ് ഇവർ സ്റ്റേഷനിലെത്തിയത്.
വാഹനത്തിലെ ഉപകരണങ്ങള് നഷ്ടമായെന്നും പ്രകാശ് ആരോപിച്ചു. ഇതിന് നഷ്ടപരിഹാരം നല്കണം എന്നായിരുന്നു പ്രകാശിന്റെ വാദം. പൊലീസ് ഉദ്യോഗസ്ഥര് ഇരുവരുമായി സംഭവങ്ങള് സംസാരിക്കുന്നതിനിടെ നെടുങ്കണ്ടം സ്റ്റേഷനില് വെച്ച് പ്രകാശും ശര്ത്കുമാറും തമ്മിലുള്ള തര്ക്കം രൂക്ഷമായി.
രൂക്ഷമായ വാക്ക് തര്ക്കത്തിലേക്ക് ഇത് നീങ്ങി. തുടര്ന്ന് പ്രകോപിതനായ പ്രകാശ് കൈയിലുണ്ടായിരുന്ന അഞ്ഞൂറ് രൂപയുടെ മൂന്ന് നോട്ടുകള് കീറി എറിയുകയായിരുന്നു. പൊലീസുകാര്ക്ക് പിടിച്ചുമാറ്റാന് അവസരം ലഭിക്കും മുന്പേ പ്രകാശ് മൂന്ന് നോട്ടുകളും കീറി എറിയുകയായിരുന്നു. ഇതോടെ പ്രകാശിനെ പൊലീസ് അറസ്റ്റ് ചെയ്തു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JsVgnGYPwOZ0Bsjs6hu5nD
പ്രണയം; 16 കാരനെ കുത്തിക്കൊന്നു
ലക്നൗ: പെൺകുട്ടിയുമായി പ്രണയത്തിലായതിന്റെ പേരിൽ 16 കാരനെ ബന്ധുക്കൾ കുത്തി കൊന്നു. ഉത്തർപ്രദേശിലെ ബരാബങ്കിയിലെ ദരിയാബാദ് പൊലീസ് സ്റ്റേഷൻ പരിധിയിലാണ് സംഭവം നടന്നത്. സൂരജ് ചൗഹാൻ എന്ന കുട്ടിയാണ് കൊല്ലപ്പെട്ടത്. തിങ്കളാഴ്ച വൈകിട്ടാണ് ഗ്രാമത്തിലെ വയലില് മൃതദേഹം കണ്ടത്. കമ്പികൊണ്ട് ക്രൂരമായ രീതിയില് മുതുകില് മുറിവേറ്റ പാടുകളോടെയാണ് ഗ്രാമവാസികള് മൃതദേഹം കണ്ടെത്തിയത്.
സൂരജിന്റെ അമ്മാവന് രാംതേജ് പൊലീസിന് നല്കിയ പരാതി പ്രകാരം, ഞായറാഴ്ച രാത്രിയാണ് സൂരജ് വീട്ടില് നിന്നും പോയത്. ഗ്രാമത്തിന് പുറത്തുള്ള പലചരക്ക് കടയിലേക്ക് രാത്രി കാവലിനാണ് പോയത്. പിറ്റേ ദിവസം കടയില് സൂരജിനെ കാണാതെ വന്നതോടെ വീട്ടുകാര് തിരച്ചില് നടത്തുകയും വയലില് നിന്ന് മൃതദേഹം കണ്ടെത്തുകയുമായിരുന്നു. ഇയാളുടെ മൊബൈലും മൃതദേഹത്തിന് സമീപം കിടന്നിരുന്നു. ഇത് കേന്ദ്രീകരിച്ചാണ് പൊലീസ് അന്വേഷണം ആരംഭിച്ചത്.
കല്ലു, ഫരീദ്, ആബിദ് എന്നീ മൂന്ന് പേരെയാണ് കൊലപാതകത്തില് സംശയിക്കുന്നത് എന്നാണ് സൂരജിന്റെ ബന്ധുക്കള് പരാതി നല്കിയത്. ഈ യുവാക്കളുടെ ബന്ധുവായ ഒരു പെണ്കുട്ടിയുമായി സൂരജ് സ്നേഹത്തിലായിരുന്നു. ഇതിന്റെ പേരില് സൂരജും ഇവരും തമ്മില് തര്ക്കവും, സൂരജിന് ഇവരില് നിന്നും ഭീഷണിയും ഉണ്ടായിരുന്നു എന്നാണ് കുടുംബം പറയുന്നത്.
പെണ്കുട്ടിയുമായി പ്രണയത്തിലായതിനാലാണ് സൂരജിനെ കൊലപ്പെടുത്തിയെന്ന് സൂരജിന്റെ അമ്മാവന് രാംതേജ് പരാതിയില് ആരോപിച്ചു. പെണ്കുട്ടിയുടെ വീട്ടുകാര് നേരത്തെയും കൗമാരക്കാരനെ ഭീഷണിപ്പെടുത്തിയിരുന്നതായി പൊലീസ് പറഞ്ഞു.
മൂന്ന് പ്രതികളെയും അറസ്റ്റ് ചെയ്തിട്ടുണ്ടെന്നും അവര്ക്കെതിരെ കൊലക്കുറ്റത്തിന് കേസെടുത്തിട്ടുണ്ടെന്നും ദരിയാബാദ് പോലീസ് സ്റ്റേഷന് ഇന്ചാര്ജ് ഡിപി ശുക്ല പറഞ്ഞതായി പിടിഐ റിപ്പോര്ട്ട് ചെയ്യുന്നു.
Post A Comment: