ഇടുക്കി: വീട്ടിൽ വളർത്തുന്ന കോഴി ഇട്ട ഇരട്ടമുട്ട കൗതുകമാകുന്നു. കട്ടപ്പന ഇരട്ടയാറിലാണ് സംഭവം. തുളസിപ്പാറ സ്വദേശി ഈഴകുന്നേൽ ഷിനുവിന്റെ വീട്ടിലെ കോഴിയാണ് അത്ഭുത മുട്ടയിട്ടത്.
കഴിഞ്ഞ ദിവസം ജോലി കഴിഞ്ഞു പതിവ് പോലെ കോഴിക്കൂട്ടില് എത്തിയ ഷിനുവിന്റെ ഭാര്യ ഷീബയാണ് മുട്ട ആദ്യം കാണുന്നത്. ഒരു മുട്ടയ്ക്ക് മുകളിൽ മറ്റൊന്ന് ഒട്ടിച്ചുവച്ചതുപോലെയാണ് കാണപ്പെട്ടത്. പതിവായി വലുതും ചെറുതുമായ മുട്ടകള് ലഭിക്കാറുണ്ടെങ്കിലും ഇരട്ട മുട്ട ഇതാദ്യമായാണ് ലഭിച്ചതെന്നും ഷീബ പറഞ്ഞു.
സംഭവം അറിഞ്ഞ് നിരവധി ആളുകളാണ് ഷിനുവിന്റെ വീട്ടിലേക്ക് എത്തുന്നത്. സംഭവത്തെ കുറിച്ച് കൂടുതല് അറിയാന് മൃഗ സംരക്ഷ വകുപ്പ് അധികൃതരെ അടക്കം സമീപിക്കാന് ഒരുങ്ങുകയാണ് കുടുംബം.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JsVgnGYPwOZ0Bsjs6hu5nD
ഇടുക്കിയിൽ പൊടുന്നനെ തീവ്ര മഴ
ഇടുക്കി: ഓറഞ്ച് അലർട്ട് നിലനിൽക്കുന്ന ഇടുക്കിയിൽ പൊടുന്നനെ തീവ്രമഴ. വൈകിട്ട് 4.15 ഓടെയാണ് ഹൈറേഞ്ച് മേഖലയിൽ തീവ്ര മഴ പെയ്തു തുടങ്ങിയത്. രാവിലെ മുതൽ ശക്തമായ വെയിൽ പലയിടത്തും അനുഭവപ്പെട്ടിരുന്നു. ഉച്ചയോടെ വെയിൽ മാറി ആകാശം മേഘാവൃതമായി. പിന്നീട് വൈകിട്ടോടെയാണ് മഴ തുടങ്ങിയത്.
കട്ടപ്പന, നെടുങ്കണ്ടം, രാജാക്കാട്, മരിയാപുരം, ശാന്തിഗ്രാം, ചപ്പാത്ത് പ്രദേശങ്ങളിലെല്ലാം ഇടിമുഴക്കത്തോടെയുള്ള അതി ശക്തമായ മഴയാണ് അനുഭവപ്പെടുന്നത്. തീവ്ര മഴ പെയ്തു തുടങ്ങിയതോടെ മലയോര പ്രദേശങ്ങളിൽ താമസിക്കുന്നവർ ഭീതിയിലായിട്ടുണ്ട്. മുല്ലപ്പെരിയാർ, ഇടുക്കി അണക്കെട്ടുകളുടെ വൃഷ്ടി പ്രദേശത്തും ശക്തമായ മഴ തുടരുകയാണ്.
അതേസമയം സംസ്ഥാനത്ത് മൂന്ന് ദിവസം വ്യാപക മഴ പെയ്യുമെന്ന് കാലാവസ്ഥാ വകുപ്പ് മുന്നറിയിപ്പ് നൽകി. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ ജില്ലകളിൽ തീവ്ര മഴ പെയ്യാൻ സാധ്യതയുണ്ട്. ഈ ജില്ലകളിൽ ഓറഞ്ച് അലർട്ട് പുറപ്പെടുവിച്ചിട്ടുണ്ട്. മറ്റെല്ലാ ജില്ലകളിലും യെല്ലോ അലർട്ടാണ്.
നാളെയും മറ്റന്നാളും എല്ലാ ജില്ലകളിലും യെല്ലോ അലർട്ടുണ്ട്. വെള്ളിയാഴ്ച്ച കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, കാസർകോട് ജില്ലകളിലും, ശനിയാഴ്ച്ച കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, പാലക്കാട്, മലപ്പുറം ജില്ലകളിലും യെല്ലോ അലർട്ടുണ്ട്.
Post A Comment: