ജോർജ്‌കുട്ടിക്ക് തെറ്റി; ദൃശ്യം സിനിമയിലെ 28 തെറ്റുകൾ കണ്ടെത്തിയ വീഡിയോ

കൊച്ചി: മലയാളികളെ ത്രില്ലടിപ്പിച്ച ചിത്രമാണ് മോഹൻലാൽ നായകനായ ദൃശ്യം. ചിത്രത്തിന്‍റെ രണ്ടാം ഭാഗം റിലീസിനൊരുങ്ങുമ്പോൾ ആദ്യ ഭാഗത്തെ കുറിച്ചുള്ള ഒരു വീഡിയോ ശ്രദ്ധ നേടുകയാണ്. ആദ്യ ഭാഗത്തെ അതിസൂക്ഷ്‌മമായി നിരീക്ഷിച്ചാണ് വീഡിയോ പുറത്തിറക്കിയിരിക്കുന്നത്. സിനിമയിലെ 28 തെറ്റുകളാണ് വിഡിയോയിൽ കാണിച്ചിരിക്കുന്നത്.

വിമര്‍ശനമല്ല മറിച്ച് എന്‍റർടൈൻമെന്‍റ് മാത്രമാണ് ഉദ്ദേശം എന്ന് വിഡിയോയില്‍ പ്രത്യേകം പറയുന്നുണ്ട്. ‘അബദ്ധങ്ങള്‍ ഇല്ലാത്ത ഒരു സിനിമ പോലും ഇല്ല. അതിനാല്‍ ഈ അബദ്ധങ്ങളൊന്നും തന്നെ സിനിമയെ നെഗറ്റീവ് ആയി ബാധിക്കുന്നില്ല. ഈ വിഡിയോ മോശമായി കരുതുന്നവര്‍ കാണേണ്ടതില്ല’. ഈ മുഖവുരയോടെയാണ് വിഡിയോയുടെ തുടക്കം.

അൻസിബയുടെ കഥാപാത്രം റോഷനെ അടിക്കുന്ന കൃത്രിമ വടിയും കാറിനുള്ളിൽ സ്ഥാപിച്ചിരിക്കുന്ന ഒളി ക്യാമറയുമൊക്കെ ഇവർ കണ്ടുപിടിക്കുന്നു. ദൃശ്യത്തിലെ കഥ നടക്കുന്നത് 2013 ലാണ്. 2013 ഓഗസ്റ്റ് രണ്ട് ശനിയാഴ്ച്ച ഇവർ ധ്യാനത്തിനു പോയെന്നാണ് ചിത്രത്തിൽ കാണിക്കുന്നത്. എന്നാൽ യഥാർഥത്തിൽ 2013 ഓഗസ്റ്റ് 2 ഒരു വെള്ളിയാഴ്ച്ച ആയിരുന്നു എന്നും ഇവർ വിഡിയോയിലൂടെ തെളിയിക്കുന്നു.

വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ..

https://chat.whatsapp.com/EXQMlwDgDmC55kywJLF9pj