സുറാജ് വെഞ്ഞാറമൂടും നിമിഷ സജയനും കേന്ദ്ര കഥാപാത്രങ്ങളിലെത്തിയ ദ ഗ്രേറ്റ് ഇന്ത്യൻ കിച്ചൻ എന്ന സിനിമയാണ് സോഷ്യൽ മീഡിയയിൽ അടക്കം വലിയ ചർച്ച. ചിത്രത്തെ അനുകൂലിച്ചും പ്രതികൂലിച്ചും നിരവധി പ്രമുഖർ കുറിപ്പുകളുമായി സജീവമാകുകയും ചെയ്തു. ഇതോടെ തന്നെ കോവിഡ് കാലത്തും ഓൺലൈനായി സിനിമ കാണാൻ എല്ലാവരും തിടുക്കം കാട്ടുന്നുമുണ്ട്.
അതേസമയം സിനിമയിലെ ഒരു ഡയലോഗ് ഇപ്പോൾ ഗൂഗിൾ സെർച്ചിൽ മുന്നിൽ നിൽക്കുകയാണെന്നാണ് റിപ്പോർട്ട്. മലയാളികൾ ഗൂഗിളിൽ ഏറ്റവും കൂടുതൽ തിരഞ്ഞത് ചിത്രത്തിലെ നിമിഷ സജയൻ പറഞ്ഞ ഒരു വാക്കിനെ കുറിച്ചായിരുന്നു. സാധാരക്കാരായ മലയാളികൾ അത്രയധികം കേൾക്കാൻ സാധ്യതയില്ലാത്ത ഒരു ബെഡ്റൂം രഹസ്യമാണ് ഗൂഗിളിൽ മലയാളിൽ അന്വേഷിക്കുന്നത്. "Foreplay" എന്ന വാക്കാണ് മലയാളികൾ തിരഞ്ഞത്.
സിനിമയിൽ നായികാ നായകനോട് ഫോർപ്ലേ ആവശ്യപ്പെടുന്നുണ്ട്. എന്നാൽ ഈ വാക്കിന്റെ അർഥം എന്താണെന്ന് ചിത്രം കണ്ട പലർക്കും മനസിലായില്ല. ഇതോടെയാണ് ഗൂഗിൾ സേർച്ചിന്റെ സഹായം തേടാൻ മലയാളികൾ തുടങ്ങിയത്.
ഫോർപ്ലേ സംബന്ധിച്ച് വിശദമായ കുറിപ്പുകൾ, അനുഭവങ്ങൾ വരെ സ്ത്രീകളും പുരുഷന്മാരും സോഷ്യൽ മീഡിയകളിൽ പങ്കുവയ്ക്കുന്നുണ്ട്. ഗൂഗിൾ സേർച്ചിന്റെ കണക്കുകൾ പ്രകാരം കഴിഞ്ഞ ഒരാഴ്ച്ചയായി ഇന്ത്യയിൽ ഫോർപ്ലേ സേർച്ച് ചെയ്യുന്നതിൽ മുന്നിൽ നിൽക്കുന്നത് കേരളമാണ്. ചിലർ മലയാളം മീനിങ് ഓഫ് ഫോർപ്ലേ എന്ന് വരെ സേർച്ച് ചെയ്യുന്നുണ്ട്. ജിയോ ബേബിയാണ് സംവിധായകൻ. ജനുവരി പതിനഞ്ചിനായിരുന്നു ഒ.ടി.ടി പ്ലാറ്റ്ഫോമിലൂടെ ദ ഗ്രീറ്റ് ഇന്ത്യൻ കിച്ചൻ റിലീസ് ചെയ്തത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/K1qDeudCPifDXl43GW7kbz
Post A Comment: