കൊച്ചി: ഷൂട്ടിങ്ങിനിടെ നടൻ ജയസൂര്യ വൻ അപകടത്തിൽ നിന്നും രക്ഷപെട്ടതിന്‍റെ വീഡിയോ ദൃശ്യങ്ങൾ കഴിഞ്ഞ ദിവസമാണ് പുറത്തു വന്നത്. ഇതിനു പിന്നാലെ ഇപ്പോൾ മറ്റൊരു വാർത്ത കൂടി സിനിമാ ലോകത്തു നിന്നും പുറത്തു വരികയാണ്. ഫോട്ടോ ഷൂട്ടിനിടെ പാറയിൽ കാലു തെന്നി വീണ നടി ഹണി റോസ് വൻ അപകടത്തിൽ നിന്നും രക്ഷപെട്ടത് തലനാരിഴയ്ക്കാണ്. പാറക്കെട്ടുകൾക്കിടയിലൂടെ ഒഴുകുന്ന അരുവിയിൽ നടത്തിയ ഫോട്ടോ ഷൂട്ട് വൈറലായിരുന്നു.
ഈ ഷൂട്ടിനിടെയാണ് അപകടം നടന്നത്. സാരിയുടുത്ത് പുഴവക്കില്‍ പാറയില്‍ ചവിട്ടി നടക്കുന്നതിനിടെ കാല്‍ വഴുതി പുഴയിലേക്ക് വീഴാന്‍ പോകുന്ന വീഡിയോയാണ് പുറത്തു വന്നിരിക്കുന്നത്. തല പാറയില്‍ ഇടിക്കാതെ തലനാരിഴയ്ക്ക് താരം രക്ഷപ്പെടുകയായിരുന്നുവെന്ന് അണിയറപ്രവര്‍ത്തകര്‍ പറയുന്നു. വലിയ അപകടം സംഭവിക്കാമായിരുന്നെങ്കിലും ഭാഗ്യം കൊണ്ട് നടി രക്ഷപെടുകയായിരുന്നു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/KXENxMQq8p0GB9zypaK3W5
Post A Comment: