113 യാത്രക്കാരുമായി പറന്നുയരുന്നതിനിടെ വിമാനത്തിനു തീ പിടിച്ചു

ബീജിങ്: പറന്നുയരുന്നതിനിടെ ടിബറ്റൻ എയർലൈൻസ് വിമാനത്തിനു തീ പിടിച്ചു. ചൈനയിലെ വിമാനത്താവളത്തിലാണ് സംഭവം നടന്നത്. 113 യാത്രക്കാരും ഒൻപത് ജീവനക്കാരുമാണ് വിമാനത്തിലുണ്ടായിരുന്നത്. ഇവരെ സുരക്ഷിതമായി ഒഴിപ്പിച്ചതായി എയർലൈൻസ് അധികൃതർ അറിയിച്ചു. ചിലർക്ക് നിസാരമായ പരുക്കേറ്റിട്ടുണ്ട്.  

രാവിലെ എട്ടിനായിരുന്നു സംഭവം. ചൈനീസ് നഗരമായ ചോങ്ക്വിങ്ങിൽ നിന്ന് ടിബറ്റിലെ നൈഗ്‌ചിയിലേക്ക് പോകാനൊരുങ്ങിയ വിമാനം റൺവേയിൽ നിന്നു തെന്നി മാറി തീ പിടിക്കുകയായിരുന്നു. ഉടൻ തന്നെ രക്ഷാ പ്രവർത്തകർ എത്തി തീ അണച്ചു. തീ നാളങ്ങൾ ഉയരുന്നതിന്‍റെയും യാത്രക്കാർ ഭയന്ന് ഓടുന്നതിന്‍റെയും ദൃശ്യങ്ങൾ പുറത്തു വന്നിട്ടുണ്ട്.

At about 8 o'clock this morning, a passenger plane( Tibet Airlines AV9833) from Chongqing to Lhasa rushed out of the runway and caught fire at Chongqing Airport.
Airbus A319-115. 🙏🙏🙏 pic.twitter.com/futBsoot1h

— Sharing travel (@lsjngs) May 12, 2022

 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/LI5CtDALiuGFq6TUngq6K5

ഏലക്കാ മോഷണം; ഈശ്വരൻ അറസ്റ്റിൽ

ഇടുക്കി: ഏലക്കാ വ്യാപാരിയെന്ന വ്യാജേന വ്യാപാര സ്ഥാപനത്തിലെത്തി പണവും ഏലക്കായും മോഷ്‌ടിച്ചു കടത്തിയ കേസിലെ പ്രതിയെ തമിഴ്‌നാട്ടിൽ നിന്നും പിടികൂടി. പൂപ്പാറയിലെ വ്യാപാര സ്ഥാപനത്തിൽ നിന്നും 50,000 രൂപയും 50 കിലോ ഏലക്കായും മോഷ്‌ടിച്ച കേസിലാണ് തമിഴ്നാട് തേവാരം സ്വദേശി ഈശ്വരൻ അറസ്റ്റിലായത്. 

ഏലക്കാ വ്യാപാരി എന്ന വ്യാജേന സ്ഥാപനത്തില്‍ എത്തി പരിചയം സ്ഥാപിച്ചാണ് ഇയാള്‍ മോഷണം നടത്തിയത്. കഴിഞ്ഞ മാര്‍ച്ച് 31നാണ് പൂപ്പാറയിലെ മലഞ്ചരക്ക് വ്യാപാര സ്ഥാപനത്തില്‍ നിന്ന് 50 കിലോ ഏലക്കായും 50,000 രൂപയും മോഷണം പോയത്. ഇടുക്കിയില്‍ നിന്ന് ഏലക്കാ വാങ്ങി, തമിഴ്നാട്ടില്‍ എത്തിച്ച് കച്ചവടം നടത്തുന്ന വ്യാപാരി എന്ന നിലയിലാണ് ഇയാള്‍ പൂപ്പാറയില്‍ എത്തിയത്.

സ്ഥാപന ഉടമയുമായി സൗഹൃദം സ്ഥാപിച്ച ശേഷം ഉടമ ഇല്ലാത്ത സമയത്ത് മോഷണം നടത്തുകയായിരുന്നു. ചാക്കില്‍ സൂക്ഷിച്ചിരുന്ന 50 കിലോ ഏലക്കാ ഓട്ടോറിക്ഷയില്‍ കയറ്റി പൂപ്പാറയിലെ മറ്റൊരു സ്ഥാപനത്തില്‍ എത്തിച്ച് വില്‍പന നടത്തി. 

പിന്നീട് തമിഴ്നാട്ടില്‍ നിന്ന് സുഹൃത്തിനെ വിളിച്ച് വരുത്തി, സ്ഥാപനത്തില്‍ നിന്ന് അപഹരിച്ച പണവും ഏലക്കാ വില്‍പന നടത്തിയ പണവുമായി തമിഴ്നാട്ടിലേയ്ക്ക കടക്കുകയായിരുന്നു. സംഭവത്തിന് ശേഷം ഒളിവില്‍ കഴിഞ്ഞിരുന്ന പ്രതിയെ മൊബൈല്‍ ലൊക്കേഷന്‍റെ അടിസ്ഥാനത്തില്‍ നടത്തിയ അന്വേഷണത്തിനൊടുവില്‍ തിരുപ്പൂരില്‍ നിന്നുമാണ് ശാന്തന്‍പാറ പൊലിസ് അറസ്റ്റ് ചെയ്തത്.