സിനിമാ താരങ്ങളുടെ ഇഷ്ട വിനോദ സഞ്ചാര കേന്ദ്രമാണ് മാലിദ്വീപ്. ഹോളിവുഡ്, ബോളിവുഡ് താരങ്ങൾ വരെ മാലിദ്വീപിൽ അവധിക്കാലം ആഘോഷിക്കാൻ എത്താറുണ്ട്. മലയാളത്തിൽ നിന്നുള്ള താരങ്ങൾക്കും മാലിദ്വീപ് ഇഷ്ട വിനോദ കേന്ദ്രമാണ്.
ഇപ്പോഴിതാ മലയാളികളുടെ പ്രിയ നടി മംമ്ത മോഹൻദാസിന്‍റെ മാലിദ്വീപ് ചിത്രങ്ങളാണ് സോഷ്യൽ മീഡിയയിൽ ശ്രദ്ധ നേടുന്നത്. താരം മാലിദ്വീപിൽ എത്തിയതുമുതലുള്ള വിശേഷങ്ങൾ സൈബർ ലോകത്ത് ചർച്ചാ വിഷയമാണ്. എന്നാൽ ബീച്ച് ഡ്രസിൽ അതി സുന്ദരിയായുള്ള ചിത്രങ്ങളാണ് താരം ഒടുവിലായി ആരാധകർക്കായി പങ്കുവച്ചിരിക്കുന്നത്.
എല്ലാത്തിനുമുള്ള മരുന്ന് കടൽക്കരയിൽ കിട്ടും, ഉപ്പിൽ, സൂര്യനു താഴെ, മണലിനു മുകളിലായി നിങ്ങളുടെ ആന്തരിക സമാധാനം കിടക്കുന്നു- എന്ന കുറിപ്പോടെയാണ് താരം ചിത്രങ്ങൾ പങ്കുവച്ചിരിക്കുന്നത്. ഫ്ലോറൽ പ്രിന്‍റിലുള്ള ഡ്രസാണ് നടി അണിഞ്ഞിരിക്കുന്നത്.
തെന്നിന്ത്യയിൽ ഒട്ടേറെ ആരാധകരുള്ള മംമ്ത മോഹൻദാസിന്‍റേതായി ഒരുപിടി നല്ല ചിത്രങ്ങളാണ് അടുത്തിടെ പുറത്തിറങ്ങിയത്. ജനഗണമന, മ്യാവു, ലാൽ ബാഗ് തുടങ്ങിയവയാണ് അടുത്തിടെ പുറത്തിറങ്ങിയ ചിത്രങ്ങൾ. പൃഥ്‌വിരാജ് ചിത്രം മഹേഷും മാരുതിയും, രാമ സേതു, ജൂതൻ, അൺ ലോക്ക് തുടങ്ങിയവയാണ് താരത്തിന്‍റെ മലയാളം പ്രൊജക്റ്റുകൾ. ഒപ്പം, തമിഴ്‌, തെലുങ്ക് ഭാഷകളിലും സിനിമകൾ ഒരുങ്ങുന്നുണ്ട്.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/IeYcvZizDl2Bmro5SsP1DB
Post A Comment: