അമ്മക്കൊപ്പം വ്യായാമം ചെയ്‌ത് അഞ്ച് മാസം പ്രായമുള്ള കുഞ്ഞ്

കുട്ടികളുടെ രസകരമായ വീഡിയോകൾ സോഷ്യൽ മീഡിയയിൽ വൈറലാകാറുണ്ട്. ഇത്തരത്തിൽ ഒരു കൊച്ചു മിടുക്കന്‍റെ വീഡിയോ ഇപ്പോൾ ശ്രദ്ധ നേടിക്കൊണ്ടിരിക്കുകയാണ്. അമ്മക്കൊപ്പം വ്യായാമം ചെയ്യുന്ന കുട്ടിയുടെ വീഡിയോയാണ് വൈറലായിരിക്കുന്നത്. വെറും അഞ്ച് മാസം മാത്രമാണ് ഈ കൊച്ചു മിടുക്കന്‍റെ പ്രായം.  

ഫിറ്റ്‌നസ് ട്രെയിനറായ മിഷേലും കുഞ്ഞും എൽബോ പ്ലാങ്ക് ചെയ്യുന്നതാണ് വീഡിയോ. അമ്മ പറയുന്നത് അനുകരിക്കാൻ ശ്രമിക്കുന്ന കുഞ്ഞിനോട് കൃത്യമായി എന്താണ് ചെയ്യുന്നതെന്ന് മിഷേൽ പറഞ്ഞു കൊടുക്കുന്നതും കാണാം. ഇൻസ്റ്റഗ്രാമിൽ മിഷേൽ പോസ്റ്റ് ചെയ്‌ത വീഡിയോ ഇതിനോടകം നിരവധി ആളുകളാണ് കണ്ടു കഴിഞ്ഞത്. 

അമ്മ പതിവുപോലെ വ്യായാമം ചെയ്യുന്നതു കണ്ടാണ് കുഞ്ഞ് ഓസ്റ്റിൻ ഓടി വരുന്നത്. അതിനു ശേഷം അമ്മ ചെയ്യുന്നതു പോലെ ചെയ്യാൻ ശ്രമിക്കുകയായിരുന്നു. തന്‍റെ സർവ ശക്തിയുമെടുത്ത് കുഞ്ഞ് എൽബോ പ്ലാങ്ക് പൊസിഷനിലേക്ക് എത്താൻ ശ്രമിക്കുകയാണ്. കുറച്ച് സമയം അവൻ അങ്ങനെ തന്നെ നിൽക്കുന്നതാണ് എല്ലാവർക്കും അമ്പരപ്പായിരിക്കുന്നത്.

View this post on Instagram

A post shared by Michelle: fitness & mom life (@fitstagram.michelle)

 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/KxwQkuDFdXP0KRUrdgxDi5

കട്ടപ്പന പീഡനം; യുവതിയെ വിളിച്ചുകൊണ്ട് പോയത് കട്ടപ്പന ടൗണിൽ നിന്നും

ഇടുക്കി: മാനസിക വെല്ലുവിളി നേരിടുന്ന 30 കാരിയെ പീഡിപ്പിക്കാനായി പ്രതികളിൽ ഒരാൾ വിളിച്ചുകൊണ്ടുപോയത് കട്ടപ്പന ടൗണിൽ നിന്നും. കട്ടപ്പന സ്വദേശിനിയായ 30കാരിയാണ് നിരവധി പേരുടെ പീഡനത്തിനിരയായത്. സംഭവത്തിൽ അയ്യപ്പൻകോവിൽ മാട്ടുക്കട്ട അമ്പലത്തിങ്കൽ എബിൻ (23), ആൽബിൽ (21). മാട്ടുക്കട്ട കുന്നപ്പള്ളി മറ്റം റെനിമോൻ (22), ചെങ്കര തുരുത്തിൽ റോഷൻ (26) എന്നിവരെ കഴിഞ്ഞ ദിവസം കട്ടപ്പന പൊലീസ് അറസ്റ്റ് ചെയ്‌തിരുന്നു. 

30 വയസുള്ള യുവതി മാനസിക വെല്ലുവിളി നേരിടുന്നുണ്ടെന്ന് മനസിലാക്കിയ യുവാക്കൾ ഫോണിലൂടെ ബന്ധം സ്ഥാപിച്ച് പീഡിപ്പിക്കുകയായിരുന്നു. കുടുംബപ്രശ്നത്തെ തുടർന്ന് വിവരം പുറത്തറിഞ്ഞ യുവതിയുടെ ബന്ധുക്കൾ നൽകിയ പരാതിയുടെ അടിസ്ഥാനത്തിലായിരുന്നു പ്രതികളെ പിടികൂടുകയത്. 

കഴിഞ്ഞ നാലു മാസത്തിനിടയിൽ പല തവണ പ്രതികൾ  പെൺകുട്ടിയെ പീഡനത്തിനിരയാക്കിയിരുന്നു. റെനി മോനാണ് പെൺകുട്ടിയുമായി ആദ്യം അടുപ്പം സ്ഥാപിക്കുകയും വീട്ടിലെത്തി പീഡിപ്പിക്കുകയും ചെയ്ത ശേഷം സുഹൃത്തുക്കളായ ആൽബിനും, എബിനും യുവതിയുടെ നമ്പർ കൈമാറുകയായിരുന്നു. പിന്നാലെ ഇവരും വീട്ടിലെത്തി പീഡനത്തിനിരയാക്കി. ഫോൺ വഴി പെൺകുട്ടിയുമായി പരിചയത്തിലായിരുന്ന ചെങ്കര സ്വദേശി റോഷൻ യുവതിയെ കട്ടപ്പന ടൗണിൽ നിന്നാണ് വാഹനത്തിൽ കയറ്റികൊണ്ടുപോയത്.

ജോലി ചെയ്‌തിരുന്നത് നെടുങ്കണ്ടത്തായതിനാൽ ഇയാൾക്ക് ഇവിടെ റൂം ഉണ്ടായിരുന്നു. ഫോണിലൂടെ സംസാരിച്ച് യുവതിയെ കട്ടപ്പന ടൗണിലേക്ക് വിളിച്ചു വരുത്തിയ ശേഷം ടൗണിൽ നിന്നും യുവതിയെ വാഹനത്തിൽ കയറ്റി റൂമിലേക്ക് കൊണ്ടുപോയി പീഡിപ്പിക്കുകയായിരുന്നു. റെനിമോനെ പത്തനംത്തിട്ടയിൽ ജോലി ചെയ്തിരുന്ന ബാറിൽ നിന്നാണ് കട്ടപ്പന പൊലീസ് പിടികൂടിയത്.