കൊച്ചി: ഫിറ്റ്നസ് തുക കുറക്കാത്തതില്‍ പ്രതിഷേധിച്ച് സംസ്ഥാനത്ത് സ്വകാര്യ ബസുടമകള്‍ സമരത്തിലേക്ക്. ഫിറ്റ്നസ് ടെസ്റ്റിന്റെ തുക 1000 രൂപയില്‍ നിന്ന് 13,500 ആക്കി ഉയര്‍ത്തിയിരുന്നു.
ഇതിനെതിരെ ബസുടമകള്‍ ഹൈക്കോടതിയെ സമീപിക്കുകയും അധിക തുക ഈടാക്കരുതെന്നാണ് ഹൈക്കോടതി ഉത്തരവിറക്കുകയും ചെയ്തിരുന്നു.
ഹൈക്കോടതി ഉത്തരവുണ്ടായിട്ടും മോട്ടോര്‍ വാഹന വകുപ്പ് അധിക തുക ഈടാക്കുന്നുണ്ടെന്നാണ് സ്വകാര്യ ബസുടമകളുടെ പരാതി. ആര്‍ടിഒമാര്‍ ഇത് പാലിക്കുന്നില്ലെന്നാണ് സ്വകാര്യ ബസുടമകള്‍ പറയുന്നത്.
ഇതില്‍ പ്രതിഷേധിച്ച് കോടതി അലക്ഷ്യത്തിന് കേസ് നല്‍കാനും സമരവുമായി മുന്നോട്ട് പോകാനുമാണ് സ്വകാര്യ ബസുടമകളുടെ തീരുമാനം.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/Drk3CGGtMo5KvmcuCXz9N1
ഓട്ടോറിക്ഷയിൽ നിന്നും തെറിച്ചു വീണ് നാലാം ക്ലാസുകാരിക്ക് പരുക്ക്
ഇടുക്കി: സ്കൂൾ വിട്ട് വീട്ടിലേക്ക് വരുന്നതിനിടെ ഓട്ടോറിക്ഷയിൽ നിന്നും തെറിച്ചു വീണ് നാലാം ക്ലാസ് വിദ്യാർഥിനിക്ക് പരുക്ക്. അയ്യപ്പൻകോവിൽ തോണിത്തടി പമ്പ് ഹൗസിന് സമീപത്താണ് അപകടം സംഭവിച്ചത്.
തോണിത്തടി പുത്തൻപുരക്കൽ ഷിന്‍റെ ജേക്കബ്ബ് - ഷെറിൻ ദമ്പതികളുടെ മകൾ അലോന ഷിന്‍റോക്കാണ് പരുക്കേറ്റത്. മേരികുളം സെന്‍റ് മേരീസ് എൽ.പി സ്കൂൾ നാലാം ക്ലാസ് വിദ്യാർഥിനിയാണ്.
പത്ത് കുട്ടികളാണ് ഓട്ടോറിക്ഷയിലുണ്ടായിരുന്നതെന്നാണ് വിവരം. ചില കുട്ടികൾ ഇറങ്ങിയതോടെ വാഹനത്തിന്‍റെ പിന്നിൽ നിന്നും ബാഗ് എടുത്ത് സീറ്റിൽ വെച്ചതിന് ശേഷം ഓട്ടോയിൽ കയറുന്നതിനിടയിൽ ഓട്ടോ മുന്നോട്ടെടുക്കുകയായിരുന്നു. കുട്ടിയെയും കൊണ്ട് ഓട്ടോ 10 മീറ്ററോളം മുന്നോട്ട് നീങ്ങുകയും ചെയ്തു.
വാഹനത്തിൽ ഉണ്ടായിരുന്ന മറ്റ് കുട്ടികൾ ബഹളം വെച്ചതിനെ തുടർന്നാണ് ഡ്രൈവർ വണ്ടി നിർത്തിയത്. അലോനയുടെ കാലിൽ മുറിവുണ്ടാവുകയും കാലിലെ തൊലി റോഡിൽ ഉരഞ്ഞ് പോവുകയും ചെയ്തു. സഹപാഠികളാണ് കുട്ടിയെ ഉയർത്തി ഒട്ടോറിക്ഷയിൽ കയറ്റിയത്. പരുക്കേറ്റ് വീട്ടിലെത്തിയ കുട്ടിയെ രക്ഷിതാക്കളാണ് ആശുപത്രിയിൽ എത്തിച്ചത്. കുട്ടി ഉപ്പുതറ സർക്കാർ ആശുപത്രിയിൽ ചികിത്സയിലാണ്. സംഭവത്തിൽ ഉപ്പുതറ പൊലീസ് കേസെടുത്തു.
Post A Comment: