തിരുവനന്തപുരം: മാസങ്ങളായി നീണ്ടു നിന്ന വിഴിഞ്ഞം സമരം ഒടുവില് അവസാനിപ്പിച്ചു. മുഖ്യമന്ത്രിയുമായി നടത്തിയ ചര്ച്ചയിലാണ് സമവായമുണ്ടായത്. മന്ത്രി സഭാ ഉപസമിതിയുമായി സമരസമിതി നേതാക്കള് നടത്തിയ ചര്ച്ചകള്ക്ക് പിന്നാലെയായിരുന്നു മുഖ്യമന്ത്രിയുമായി കൂടിക്കാഴ്ച്ച.
വിട്ടുവീഴ്ച്ച ചെയ്തെന്നും പൂര്ണ തൃപ്തിയില്ലെന്നും സമര സമിതി വ്യക്തമാക്കി. വാടക പൂര്ണമായും സര്ക്കാര് നല്കും. വാടക 5,500 മതിയെന്ന് സമരസമിതി വ്യക്തമാക്കി. അദാനി ഫണ്ടില് നിന്നും 2500 രൂപ തരാം എന്ന സര്ക്കാര് വാഗ്ദാനം വേണ്ടെന്ന് വെച്ചതായും സമരസമിതി പറഞ്ഞു.
ജോലിക്ക് പോവാനാവാത്ത ദിവസം നഷ്ടപരിഹാരം സര്ക്കാര് നല്കാനും ധാരണയായി. തീരശോഷണത്തില് വിദഗ്ധസമിതി സമരസമിതിയുമായി ചര്ച്ച നടത്തും. തീരശോഷണം പഠിക്കാന് സമരസമിതിയും വിദഗ്ധസമിതിയെ വെക്കും. ചീഫ് സെക്രട്ടറിയുടെ നേതൃത്വത്തില് മോണിറ്ററിങ് കമ്മിറ്റി ഉണ്ടാക്കും. സര്ക്കാര് ഉറപ്പുപാലിക്കുന്നുണ്ടോ എന്ന് മോണിറ്ററിങ് കമ്മിറ്റി നിരീക്ഷിക്കുമെന്നും ലത്തീന് സഭ അറിയിച്ചു.
സമരത്തിലെ പ്രധാന ആവശ്യങ്ങള് സര്ക്കാര് അംഗീകരിച്ചില്ലെന്നും പൂര്ണ സംതൃപ്തിയില്ലെങ്കിലും സമരം അവസാനിപ്പിക്കുകയാണെന്നും ഫാ. യൂജിന് പെരേര മാധ്യമങ്ങളോട് പറഞ്ഞു.
Post A Comment: