ന്യൂഡൽഹി: ബൈക്കിൽ ചുറ്റിക്കറങ്ങാൻ ഇഷ്‌ടമില്ലാത്ത കൗമാരക്കാരുണ്ടാവില്ല. ഇത്തരക്കാർക്കായി ഇലക്‌ട്രിക് ഹോവർ ബൈക്കുമായി കോറിറ്റ്. 12 മുതൽ 18 വയസുവരെയുള്ളവർക്കായിട്ടാണ് ബൈക്ക് രൂപകൽപ്പന ചെയ്തിരിക്കുന്നത്.
ഈ മാസം അവസാനത്തോടെ ബൈക്ക് നിരത്തിലിറക്കുമെന്നാണ് കമ്പനി അറിയിച്ചത്. ഡൽഹിയിലായിരിക്കും ബൈക്ക് ആദ്യം നിരത്തിലിറങ്ങുക. ആദ്യ ഘട്ടത്തിൽ തന്നെ മുംബൈ, ബംഗളുരു, പൂനെ എന്നീ നഗരങ്ങളിലും വാഹനം ലഭ്യമാകും.
1100 രൂപയാണ് അഡ്വാൻസ് ബുക്കിങ്. കൗമാരക്കാർക്കും വിനോദ സഞ്ചാര കേന്ദ്രങ്ങളിൽ എത്തുന്ന സഞ്ചാരികൾക്കും അനുയോജ്യമായ രീതിയിലാണ് ബൈക്കിന്‍റെ രൂപ കൽപ്പന. കോറിറ്റ് ഹോവറിന് 74,999 രൂപയാണ് വില.
തുടക്കത്തിൽ ബുക്ക് ചെയ്യുന്നവർക്ക് 69,999 രൂപയ്ക്കും ലഭിക്കും. നവംബർ മുതൽ ഡെലിവറി ആരംഭിക്കും എന്ന് കമ്പനി അവകാശപ്പെടുന്നു. റെഡ്, യെല്ലോ, പിങ്ക്, പർപ്പിൾ, ബ്ലൂ, ബ്ലാക്ക് കളർ ഓപ്‌ഷനുകളിൽ സ്‌കൂട്ടർ പുറത്തിറക്കും. തവണ വ്യവസ്ഥകളിലും ഉപഭോക്താക്കൾക്ക് വണ്ടി സ്വന്തമാക്കാനാവും.
12 മുതൽ 18 വയസ്സുവരെയുള്ള യുവതലമുറയെ മനസ്സിൽ വച്ചുകൊണ്ടാണ് ഹോവർ രൂപകൽപ്പന ചെയ്തിരിക്കുന്നത് എന്ന് കോറിറ്റ് ഇലക്ട്രിക്ക് പറയുന്നു. വണ്ടി ഓടിക്കാൻ ലൈസൻസ് വേണ്ട എന്നതാണ് അതിന്‍റെ പ്രത്യേകത. ഉയർന്ന വേഗത 25 കിലോ മീറ്റർ ആണ്. ഒറ്റ ചാർജിൽ 110 കിലോമീറ്റർ വരെ ഓടിക്കാമെന്നും ഒരു കിലോ മീറ്റർ ഓടിക്കാൻ ഒരു രൂപ മതി എന്നാണ് കമ്പനി പറയുന്നത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ....
https://chat.whatsapp.com/GJaKOlvs1xxHPZvUgAJSae
Post A Comment: