ഇടുക്കി: ജലനിരപ്പ് താഴ്ന്നില്ലെങ്കിൽ മുല്ലപ്പെരിയാർ അണക്കെട്ട് 29ന് തുറക്കുമെന്ന് തമിഴ്നാട് കേരളത്തെ അറിയിച്ചു. 29ന് രാവിലെ ഏഴിന് ഡാം തുറക്കുമെന്നാണ് അറിയിപ്പ്. ഡാം തുറക്കുന്നതിന് മുന്പായുള്ള മുന്നൊരുക്കങ്ങള് കേരളം ഇതിനോടകം സ്വീകരിച്ചിട്ടുണ്ട്.
അതുകൊണ്ടുതന്നെ ഇക്കാര്യത്തില് സംസ്ഥാനം സർവസജ്ജമാണെന്ന് മന്ത്രി റോഷി അഗസ്റ്റിന്റെ ഓഫീസിൽ നിന്നുള്ള അറിയിപ്പിൽ പറയുന്നു. നിലവില് 137.75 അടിയാണ് മുല്ലപ്പെരിയാറിലെ ജലനിരപ്പ്. സെക്കന്ഡില് 3800 ഘനയടിയാണ് ഇപ്പോള് ഒഴുകിയെത്തുന്ന ജലം. 2300 ഘനയടി ജലം തമിഴ്നാട് കൊണ്ടുപോകുന്നുണ്ട്.
ബുധനാഴ്ച്ച ഉച്ച മുതൽ അണക്കെട്ടിന്റെ വൃഷ്ടി പ്രദേശത്ത് അതിശക്തമായ മഴ തുടരുകയാണ്. ഇതെ തുടർന്ന് അണക്കെട്ടിലേക്കുള്ള നീരൊഴുക്കിലും വർധനവുണ്ടായിട്ടുണ്ട്. ഈ സാഹചര്യത്തിലാണ് അണക്കെട്ട് തുറക്കുന്നതിനെ കുറിച്ച് ആലോചിക്കുന്നത്. അണക്കെട്ടിൽ ജലനിരപ്പ് 137 അടിയിൽ താഴെ മതിയെന്ന് മേൽനോട്ട സമിതി നേരത്തെ നിലപാടെടുത്തിരുന്നു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/HxWx8BgbjGxEl0CFwV9FYd
കൊട്ടിയത്തു നിന്നും ഒളിച്ചോടിയ യുവതികൾ ബംഗളൂരിൽ
കൊട്ടിയം: ഭർത്താക്കൻമാരെ ഉപേക്ഷിച്ച് ഒളിച്ചോടിയ യുവതികളെ ബംഗളൂരുവിൽ നിന്നും കണ്ടെത്തി. 18, 21 വയസ് പ്രായമുള്ള യുവതികളാണ് ഒളിച്ചോടിയത്. മൊബൈൽ ടവർ ലൊക്കേഷൻ കേന്ദ്രീകരിച്ച് നടത്തിയ അന്വേഷണത്തിലാണ് യുവതികളെ പൊലീസ് പിടികൂടിയത്. കൊട്ടിയത്തു നിന്നാണ് രണ്ട് യുവതികളെ കഴിഞ്ഞ ദിവസം കാണാതായത്. തുടർന്ന് കേസിൽ അന്വേഷണം ഏറ്റെടുത്ത പൊലീസ് 50ലധികം പേരെ ചോദ്യം ചെയ്തിരുന്നു. 23നാണ് ഇവരെ കാണാതായത്.
അന്ന് രാവിലെ 11 ഓടെ പരവൂര്, കാപ്പില് ഭാഗത്ത് ഇവരുടെ ഫോണ് ടവര് ലൊക്കേഷന് കാണിച്ചിരുന്നു. പിന്നീട് ഫോണ് സ്വിച്ച് ഓഫായി. ഇതോടെ ഇവരെ ട്രെയിസ് ചെയ്യാനുള്ള മാർഗവും അടഞ്ഞു. എന്നാല് കഴിഞ്ഞ ദിവസം ഇവരുടെ ഫോണ് പ്രവര്ത്തിക്കുകയും ടവര് ലൊക്കേഷന് വ്യക്തമാവുകയും ചെയ്തതോടെയാണ് ഇവർ ബംഗളൂരുവിൽ ഉണ്ടെന്ന് കണ്ടെത്തിയത്. ബംഗളൂരുവില് നിന്നും കസ്റ്റഡിയിലെടുത്ത യുവതികളുമായി പൊലീസ് സംഘം ചൊവാഴ്ച സന്ധ്യയോടെ കൊട്ടിയത്തേയ്ക്ക് യാത്ര തിരിച്ചിട്ടുണ്ട്.
ഇരുവരും മോഡലിങ് രംഗത്ത് സജീവമാണെന്നും ഇന്സ്റ്റഗ്രാം, ടിക്ടോക് തുടങ്ങിയ സമൂഹമാധ്യമങ്ങളില് അക്കൗണ്ടുള്ളവരുമാണെന്നന്നും സ്വന്തം ഇഷ്ടപ്രകാരമാണ് ഇവര് പോയതെന്നും കൊട്ടിയം ഇന്സ്പെക്ടര് ജിംസ്റ്റെന് പറഞ്ഞു. കൊല്ലത്തെ ഒരു സ്വകാര്യ സ്ഥാപനത്തില് ഫാഷന് ഡിസൈനിങ് വിദ്യാര്ഥിനികളാണ് കാണാതായ യുവതികള്.
ഉമയനല്ലൂര് വാഴപ്പള്ളി സ്കൂളിന് സമീപം താമസിക്കുന്ന 18 കാരിയായ യുവതി മിശ്രവിവാഹിത കുടിയാണ്. കൂട്ടുകാരിയായ കുണ്ടറ പെരുമ്പുഴ സ്വദേശിയായ 21 കാരിയും വിവാഹിതയാണ്.
Post A Comment: