നുള്ള് മുളകുപൊടി പോലും ചേർക്കാതെ ഗ്രീൻ പെപ്പർ ചെമ്മീൻ റോസ്റ്റ്

ചേരുവകൾ

• ചെമ്മീൻ - 1 കപ്പ് 
• പച്ചകുരുമുളക് - 1 ടീസ്‌പൂൺ 
• ഉപ്പ് - ആവശ്യത്തിന് 
• മഞ്ഞൾപൊടി - 1/4 ടീസ്‌പൂൺ  
• തേങ്ങാപാൽ - 1 ചെറിയ കപ്പ് 
• വെളിച്ചെണ്ണ - 3 ടേബിൾസ്‌പൂൺ 
• കറിവേപ്പില - ആവശ്യത്തിന് 
• ചെറിയഉള്ളി - 4 എണ്ണം 
• പച്ചമുളക് - 2 എണ്ണം 
• കറിവേപ്പില - ആവശ്യത്തിന് 
• ഇഞ്ചി - 1 ചെറിയ കഷണം 
• വെളുത്തുള്ളി - 4 അല്ലി  

തയ്യാറാക്കുന്ന വിധം

ചെമ്മീൻ പലതരത്തിൽ ഉണ്ടാക്കാറുണ്ട്, എന്നാൽ അൽപ്പം പോലും മുളക്പൊടി ചേർക്കാതെ ചെമ്മീൻ ഉണ്ടാക്കിയാലോ? ഒരു നുള്ളു പോലും മുളക്പൊടി ചേർക്കാതെ പച്ചകുരുമുളക് ഇട്ടു ചെമ്മീൻ റോസ്റ്റ് ഉണ്ടാക്കാം. അതിനായി ആദ്യം ചെമ്മീൻ കഴുകി വൃത്തി ആക്കി വയ്ക്കാം. അതിലേക്ക് മഞ്ഞൾപൊടി, കുരുമുളക്പൊടി, ഉപ്പ് എന്നിവ ചേർത്ത് നന്നായി പെരട്ടി പത്ത് മിനിറ്റ് മാറ്റി വയ്ക്കാം. 

ഇനി ഒരു മിക്‌സി ജാറിൽ ചെറിയ ഉള്ളി, പച്ചകുരുമുളക്, കറിവേപ്പില, വെളുത്തുള്ളി, ഇഞ്ചി, പച്ചമുളക് എന്നിവ ഇട്ട് നന്നായി പേസ്റ്റ് പരുവത്തിൽ അരച്ചെടുക്കാം. ഇനി ഒരു ചീനച്ചട്ടിയിൽ അൽപ്പം വെളിച്ചെണ്ണ ഒഴിച്ച് നേരത്തെ പുരട്ടി വച്ചിരിക്കുന്ന ചെമ്മീൻ ഇതിലേക്ക് ഇട്ട് വറുത്തെടുത്ത് മാറ്റി വയ്ക്കാം. 

ഇനി അതിലേക്ക് അരച്ച് വച്ചിരിക്കുന്ന അരപ്പ് ചേർത്ത് കൊടുത്ത് പച്ചമണം മാറുന്നത് വരെ വഴറ്റാം. അതിലേക്ക് വറുത്ത ചെമ്മീൻ ചേർത്ത് കൊടുക്കാം. ഇനി അതിലേക്ക് എടുത്ത് വച്ചിരിക്കുന്ന തേങ്ങാപാൽ ചേർത്ത് കൊടുക്കാം. ഇനി അഞ്ച് മിനിറ്റ് അടച്ചു വൈക്കം. ഇപ്പോൾ രുചികരമായ ഗ്രീൻ പെപ്പർ ചെമ്മീൻ റോസ്റ്റ് തയ്യാർ.

വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ....

https://chat.whatsapp.com/GJaKOlvs1xxHPZvUgAJSae