ചുറ്റും വെള്ളം; താലികെട്ടിനായി വധുവും വരനും ചെമ്പുരുളിയിൽ

ആലപ്പുഴ: മുഹൂർത്ത സമയത്ത് ക്ഷേത്രവും പരിസരങ്ങളും വെള്ളക്കെട്ടിലായതോടെ വധുവും വരനും താലികെട്ടിനെത്തിയത് ചെമ്പുരുളിയിൽ. ആലപ്പുഴ തലവടിയിലാണ് സംഭവം. അപ്പര്‍ കുട്ടനാട് മേഖലയിലെ ഐശ്വര്യരയ്ക്കും ആകാശിനുമാണ് വിവാഹിതരാവാനായി ചെമ്പില്‍ കയറേണ്ടി വന്നത്.  

പ്രദേശത്ത് വെള്ളക്കെട്ട് രൂക്ഷമായതോടെ ബന്ധുക്കളാണ് വധൂവരന്മാര്‍ക്കായി ചെമ്പ് ഒരുക്കിയത്. എന്തായാലും ചെമ്പില്‍ കയറി കൃത്യസമയത്ത് തന്നെ ക്ഷേത്രത്തില്‍ എത്തി മുഹൂര്‍ത്തത്തില്‍ വിവാഹിതരാവാന്‍ ഇരുവര്‍ക്കുമായി. 

കല്ല്യാണത്തിനായി ചെമ്പിനകത്ത് വരേണ്ടിവരുമെന്ന് പ്രതീക്ഷിച്ചിരുന്നില്ലെന്നും ഒട്ടും പ്രതീക്ഷിക്കാത്ത രീതിയിലായി കല്ല്യാണമെന്നും വധു ഐശ്വര്യ ചിരിയോടെ പറഞ്ഞു. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/L67XbjS4vdxJpqM0Dz7ehJ

വീട്ടമ്മയെ വെട്ടി പരുക്കേൽപ്പിച്ചു; ചപ്പാത്ത് സ്വദേശികൾ അറസ്റ്റിൽ

ഇടുക്കി: വീട്ടമ്മയെ മുൻ വെട്ടി പരുക്കേൽപ്പിച്ച സംഭവത്തിൽ രണ്ട് പേർ അറസ്റ്റിൽ. കെ. ചപ്പാത്ത് ലോൺട്രി പുതുപ്പറമ്പിൽ ബിൻസി (41)യാണ് വെട്ടേറ്റ് ചികിത്സയിൽ കഴിയുന്നത്. കേസിൽ കെ. ചപ്പാത്ത് പുത്തൻപുരയ്ക്കൽ ലോറൻസ് (41), പുത്തൻപുരയ്ക്കൽ ജോബി (34) എന്നിവരാണ് അറസ്റ്റിലായത്. ശനിയാഴ്ച്ചയാണ് ആക്രമണം നടന്നത്. 

ബിൻസിയുടെ വീടിനു മുൻവശത്തു കൂടിയുള്ള റോഡിലെ കാനയിൽ മാലിന്യം കത്തിക്കുന്നെന്നും അത് ശുചിയാക്കുന്നില്ലെന്നും ആരോപിച്ചാണ് പ്രതികൾ ബിൻസിയുടെ വീട്ടിൽ എത്തിയത്. മദ്യലഹരിയിൽ കത്തിയുമായി എത്തിയ ഇവർ അസഭ്യം പറഞ്ഞതോടെ ബിൻസി ചോദ്യം ചെയ്തു. ഇത് വാക്കേറ്റത്തിൽ കലാശിക്കുകയും തുടർന്ന് ബിൻസിയുടെ മുടിയിൽ കുത്തിപ്പിടിച്ച് പ്രതികൾ വലിച്ചിഴയ്ക്കുകയും ചെയ്തു. തടയാൻ എത്തിയ ബിൻസിയുടെ പിതാവ് നേശമണി(70), അമ്മ മേരി(65) എന്നിവരെയും പ്രതികൾ മർദിച്ചു. 

തുടർന്ന് പ്രതികൾ കയ്യിൽ കരുതിയിരുന്ന കത്തി ഉപയോഗിച്ച് കഴുത്തിന് വെട്ടാൻ ശ്രമിച്ചപ്പോൾ ബിൻസി തടഞ്ഞു. ഇതേതുടർന്ന് ഇടതുകൈക്ക് രണ്ടിടങ്ങളിൽ വെട്ടേറ്റു. കട്ടപ്പന താലൂക്ക് ആശുപത്രിയിൽ ചികിത്സ തേടി. 18 തുന്നിക്കെട്ടുകളാണ് കയ്യിൽ ഉള്ളത്. പരാതിയുടെ അടിസ്ഥാനത്തിൽ ഉപ്പുതറ പൊലീസ് സ്ഥലത്തെത്തിയാണ് പ്രതികളെ പിടികൂടിയത്.