ഇടുക്കി: പ്രളയമഴയിൽ പശ്ചിമഘട്ട ജനങ്ങളെ കുറ്റക്കാരായി ചിത്രീകരിക്കുന്നവർക്കെതിരെ രൂക്ഷ വിമർശനവുമായി തിരുവനന്തപുരം ടെക്നോ പാർക്കിലെ ഐടി പ്രൊഫഷ്ണലും കട്ടപ്പന സ്വദേശിയുമായ സൂര്യജിത്ത്.
റിവർ ഫ്രണ്ടേജുള്ള ഫ്ലാറ്റിൽ കൊതുകു കയറാത്ത നിലകളിലിരുന്ന് ഇടുക്കിക്കാരെ കുറ്റം പറയുന്നവർ കഴിഞ്ഞ പ്രളയ കാലത്ത് പുഴ ഒഴുകാൻ സ്ഥലമില്ലാതെ ഫ്ലാറ്റുകളിലൂടെ പോയത് സൗകര്യ പൂർവം മറക്കുന്നതായും സൂര്യജിത്ത് ചൂണ്ടിക്കാട്ടുന്നു.
സാഹിത്യകാരൻ കൂടിയായ സുഗതൻ കരുവാറ്റയുടെ മകനും മാധ്യമ പ്രവർത്തകൻ സൂര്യലാൽ കട്ടപ്പനയുടെ സഹോദരനുമാണ് സൂര്യജിത്ത്. തുടർച്ചയായി ഉണ്ടാകുന്ന ന്യൂനമർദ്ദത്തിന് കാരണം ആഗോള താപനമാണ്. അതിന് ഹൈറേഞ്ചിലെ ജനങ്ങൾ മാത്രമല്ല നിങ്ങൾ ഓരോരുത്തരും കാരണക്കാരാണെന്നും അദ്ദേഹം ചൂണ്ടിക്കാട്ടുന്നു. നിരവധി പേരാണ് പോസ്റ്റിനു കമന്റുമായി രംഗത്തെത്തിയത്.
സൂര്യജിത്തിന്റെ ഫെയ്സ് ബുക്ക് പോസ്റ്റ് വായിക്കാം
എന്ന് വലിയ മഴ പെയ്താലും ഉരുൾപൊട്ടിയാലും പശ്ചിമഘട്ടത്തിൽ താമസിക്കുന്ന ജനങ്ങളെയും അവരുടെ 'ദുഷ്ചെയ്തികളെയും' കുറിച്ച് നാല് വാക്ക് പറഞ്ഞില്ലെങ്കിൽ ചില അപൂർവ്വ ജനുസിൽപ്പെട്ട പരിസ്ഥിതി സ്നേഹികൾക്ക് ഉറക്കം വരില്ല.
റിവർ ഫ്രണ്ടേജുള്ള ഫ്ലാറ്റിലെ കൊതുക് കയറാത്ത നിലകളിരുന്ന് അവർ മാധവ് ഗാഡ്ഗിലിനെ ഓർക്കും, ഇടുക്കിയിലെ വിവരമില്ലാത്തവർ എത്രയായാലും പഠിക്കില്ല എന്ന് പരിതപിക്കും. എന്നാൽ കഴിഞ്ഞ പ്രളയകാലത്ത് അടുത്തുള്ള പുഴ ഒഴുകാൻ സ്ഥലമില്ലാതെ തങ്ങളുടെ ഫ്ലാറ്റുകളിലൂടെ പോയത് അവർ സൗകര്യപൂർവം മറക്കും.
തുടർച്ചയായി ഉണ്ടാകുന്ന ന്യൂനമർദ്ദത്തിന് കാരണം ആഗോള താപനമാണ്. അതിന് ഹൈറേഞ്ചിലെ ജനങ്ങൾ മാത്രമല്ല നിങ്ങൾ ഓരോരുത്തരും കാരണക്കാരാണ്. ഗാഡ്ഗിൽ റിപ്പോർട്ടിലെ പ്രാക്ടിക്കൽ അല്ലാത്ത കാര്യങ്ങളെ ജനങ്ങൾ എതിർത്തിരുന്നു. അവരുടെ ആശങ്കകൾ പരിഹരിക്കാൻ ആർക്കും കഴിഞ്ഞില്ല. രണ്ടും മൂന്നും വീടുള്ളവരാണ് ഹൈറേഞ്ചിൽ കൃഷി ചെയ്ത് ജീവിക്കുന്നവരെ പുച്ഛിക്കുന്നത്.
ഹൈറേഞ്ചിൽ ഉരുൾപൊട്ടൽ ഒരു പുതിയ കാര്യമല്ല. 99 ലെ വെള്ളപോക്കത്തിലും ഹൈറേഞ്ചിൽ തുടർച്ചയായ ഉരുൾപൊട്ടലുകൾ ഉണ്ടായെന്ന് പഴമക്കാർ പറയുന്നു. ഇന്ന് ജനസാന്ദ്രതയേറിയപ്പോൾ ജീവഹാനിയും സംഭവിക്കുന്നു. സർക്കാർ അതിനുള്ള മാർഗം കണ്ടെത്തണം. അതല്ലാതെ തീരശോഷണം ഉണ്ടാകുമ്പോൾ മത്സ്യതൊഴിലാളികൾക്ക് താമസിക്കാൻ വേറെ സ്ഥലമൊന്നും കിട്ടിയില്ലേന്നു ചോദിക്കുന്നപോലെ, മഴക്കെടുതിയുണ്ടാകുമ്പോൾ ഇടുക്കികരൊക്കെ നാടുവിട്ടുപൊക്കോളാൻ പറയരുത്.
പിന്നെ... ഇനിയും വരണം കേട്ടോ കുട്ടിക്കാനത്തും മൂന്നാറുമൊക്കെയുള്ള ബെസ്റ്റ് റിസോർട്ടുകളിൽ അവധിക്കാലം ആഘോഷിക്കാൻ..!
സൂര്യജിത്ത് കട്ടപ്പന
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: