ന്യൂയോർക്ക്: ജീവിത കാലം മുഴുവൻ ഒരുമിച്ചു കഴിയാൻ ആഗ്രഹിക്കുന്നവരാണ് ഇരട്ട സഹോദരങ്ങളിൽ മിക്കവരും. എന്നാൽ ഇരട്ട സഹോദരങ്ങളായ പെൺകുട്ടികൾക്ക് ഈ ഭാഗ്യം ഉണ്ടാകാറില്ല. പലപ്പോഴും വിവാഹത്തോടെ രണ്ടു കുടുംബങ്ങളിലേക്ക് ചേക്കേറേണ്ടി വരും. എന്നാൽ അമേരിക്കയിലെ ഇരട്ട സഹോദരിമാർ വേർപിരിയാതിരിക്കാൻ കണ്ടെത്തിയ മാർഗമാണ് ശ്രദ്ധേയമാകുന്നത്.
ഇരട്ട സഹോദരൻമാരെ വിവാഹം കഴിക്കാനാണ് ഇവരുടെ തീരുമാനം. വിവാഹ ശേഷം നാല് പേരും ഒരുമിച്ചു ജീവിക്കാനാണ് ഇവരുടെ തീരുമാനം. 25 കാരികളായ ഇരട്ട സഹോദരിമാരാണ് 29 വയസുകാരായ ഇരട്ട സഹോദരൻമാരെ വിവാഹം കഴിക്കാൻ ഒരുങ്ങുന്നത്. മെഡ്‌ഫോർഡിലെ ഒറിഗോൺ സ്വദേശികളായ വെനെസയും കെറിസയും കഴിഞ്ഞ വർഷം ജൂണിലാണ് ഇരട്ട സഹോദരന്മാരായ ലൂക്കാസിനെയും ജേക്കബിനെയും കണ്ടുമുട്ടിയത്.
ഇവർ തമ്മിൽ പ്രണയത്തിലാകാൻ അധിക സമയമെടുത്തില്ല. അങ്ങനെ നാലു പേരും ഒരുമിച്ച് ജീവിക്കാൻ തീരുമാനിക്കുകയായിരുന്നു. വ്യക്തിഗത പരിശീലകരായി ജോലി ചെയ്യുന്ന ഈ ഇരട്ട പെൺകുട്ടികളെ സ്പോർട്സ് മെഡിസിനിൽ ജോലി ചെയ്യുന്ന ഇരട്ട സഹോദരന്മാരുടെ ഒരു ക്ലയന്‍റ് ആണ് പരിചയപ്പെടുത്തിയത്. ഞാനും എന്‍റെ സഹോദരിയും ചെറുപ്പം മുതൽ നല്ല സുഹൃത്തുക്കളാണ്. ഞങ്ങൾ എപ്പോഴും ഒരുമിച്ചാണ് ഉണ്ടാകാറുള്ളതെന്നും വെനെസ പറയുന്നു.
ക്ലയന്‍റുകളിലൊരാളായ ഒരു നഴ്‌സിൽ നിന്നാണ് ഈ ഇരട്ട സഹോദരന്മാരെക്കുറിച്ച് സഹോദരിമാർ ആദ്യം മനസിലാക്കിയത്. ആദ്യം ഇളയ സഹോദരൻ ലൂക്കാസിനെയാണ് പരിചയപ്പെട്ടത്. പിന്നീടാണ് ജേക്കബിനെ പരിചയപ്പെടുന്നത്. അടുത്ത ദിവസം തന്നെ ലൂക്കാസിന് നമ്പർ നൽകാൻ വെനെസ നഴ്സിനെ അനുവദിച്ചു.
ലൂക്കാസുമായി ഡേറ്റിങ് നടത്തിയത് വെനെസയാണ്. ഇവരാണ് ഇളയ ദമ്പതികൾ. കെറിസയും ജേക്കബുമായും ഉടൻ തന്നെ പരിചയത്തിലാകുകയും പ്രണയത്തിലാകുകയും ചെയ്തു. മൂന്ന് മാസത്തെ ഡേറ്റിങിനുശേഷം, അവർ വിവാഹം കഴിക്കാൻ തീരുമാനിക്കുകയായിരുന്നു. കൂടുതൽ സംസാരിക്കുന്തോറും ഞങ്ങൾ കൂടുതൽ അടുക്കുകയായിരുന്നുവെന്ന് കെറിസ പറയുന്നു.
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: