ചെന്നൈ: നടി ഷക്കീല മരിച്ചെന്ന തരത്തിൽ സോഷ്യൽ മീഡിയയിൽ പ്രചരിച്ച വാർത്ത വ്യാജം. ഇന്നലെയാണ് ഷക്കീല ചികിത്സയിലിരിക്കെ മരിച്ചെന്ന തരത്തിൽ വാർത്ത പ്രചരിച്ചത്. വാർധക്യ സഹജമായ അസുഖത്തെ തുടർന്ന് ഷക്കീല 20 ദിവസമായി ചെന്നൈ അമൃത ആശുപത്രിയിൽ ചികിത്സയിലാണെന്നും തുടർന്ന് കോവിഡ് ബാധിച്ച് ബുധനാഴ്ച്ച രാത്രിയിൽ മരണം സംഭവിച്ചെന്നുമായിരുന്നു വ്യാജ വാർത്ത.
വ്യാജ വാർത്ത വ്യാപകമായി പ്രചരിച്ചതോടെ വിശദീകരണവുമായി ഷക്കീല തന്നെ രംഗത്തെത്തി. താൻ മരിച്ചിട്ടില്ലെന്നും മലയാളികളുടെ സ്നേഹത്തിന് നന്ദിയെന്നും ഷക്കീല വീഡിയോയിൽ പറയുന്നുണ്ട്. താൻ വളരെ ആരോഗ്യത്തോടെയും സന്തോഷത്തോടെയുമാണ് ഇരിക്കുന്നത്. കേരളത്തിലെ ജനങ്ങൾ തന്ന കരുതലിനു നന്ദിയുണ്ട്. ഷക്കീല പറഞ്ഞു.
ആരോ തന്നെ കുറിച്ച് ഒരു മോശം വാർത്ത ചെയ്തു പക്ഷേ സംഗതിയുടെ നിജസ്ഥിതി അറിയാൻ നിരവധി പേരാണ് വിളിച്ചത്. ആ വാർത്ത നൽകിയ ആൾക്കും നന്ദിയുണ്ട്. കാരണം അയാൾ കാരണമാണ് നിങ്ങളെല്ലാം വീണ്ടും തന്നെ കുറിച്ച് ഓർത്തതെന്നും താരം പറയുന്നു. Actress #Shakeela dismisses rumors about her and her health..
She is doing absolutely fine..@Royalreporter1 pic.twitter.com/ut41SrRGG4
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: