യുവ നടൻ ദുർഖർ സൽമാന്‍റെ വാഹന പ്രേമത്തെ കുറിച്ച് അറിയാത്തവരായി ആരുമുണ്ടാകില്ല. ആഡംബര വാഹനങ്ങളുടെ ഒരു ശേഖരം തന്നെയുണ്ട് ദുർഖറിന്. ഫെറാരി, ബിഎംഡബ്ള്യു, പോർഷെ തുടങ്ങിയ വമ്പന്മാരൊക്കെയുള്ള ദുൽഖറിന്‍റെ ശേഖരത്തിലേക്ക് ഒരു പുതുപുത്തൻ മെഴ്‌സിഡസ് ബെൻസ് എത്തിയിരിക്കുകയാണ്.
ജി 63 എഎംജി എന്ന മോഡലാണ് അത്. ബെൻസിന്‍റെ ജി-ക്ലാസ് ലൈനപ്പിലെ ടോപ്പ് എൻഡ് മോഡലാണ് ഇത്. ഇന്ത്യയിലെ വില 2.45 കോടി. 6000 ആർപിഎമ്മിൽ 577 ബിഎച്ച്പി കരുത്തും 2500 ആർപിഎമ്മിൽ 850 എൻഎം ടോർക്കും നൽകുന്ന വാഹനമാണ് ഇത്.
പെട്രോൾ ഇന്ധനമാക്കുന്ന വാഹനത്തിന് ലഭിക്കുന്ന മൈലേജ് 6.1 കീ.മീ./ലിറ്റർ ആണ്. യൂറോ എൻക്യാപ്പ് അനുസരിച്ച് 5 സ്റ്റാർ സുരക്ഷാ റേറ്റിങ്ങും ലഭിച്ച കാറാണിത്. ഒലിവ് ഗ്രീൻ നിറത്തിലുള്ള വാഹനമാണ് ദുൽഖർ സ്വന്തമാക്കിയിരിക്കുന്നത്. ഏകദേശം ഇതേ വില തന്നെ വരുന്ന ബെൻസിന്‍റെ തന്നെ എസ്എൽഎസ് എഎംജിയും ദുൽഖറിന് സ്വന്തമായുണ്ട്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/Jzacc9s6wvDEsjJosxohlq
Post A Comment: