ബ്രസീലിയ: നാടോടിക്കഥകളിൽ മാത്രം കേട്ടിട്ടുള്ള സ്ത്രീകൾ മാത്രമുള്ള ഒരു നാടുണ്ട് ബ്രസീലിൽ. പുരുഷൻമാർ താമസിക്കാത്ത ഈ നാട്ടിൽ സ്ത്രീകൾക്ക് സർവ സ്വാതന്ത്രമുണ്ട്. ബ്രസീലിലെ തെക്ക് കിഴക്കന് പട്ടണ പ്രദേശമായ നോവ ഡോ കോര്ഡെറോയിലാണ് ഇത്തരത്തിൽ ഒരു സ്ത്രീ നഗരം. 600 സ്ത്രീകളാണ് ഇവിടെ താമസിക്കുന്നത്. 20 നും 35 നും ഇടയില് പ്രായമുള്ള സ്ത്രീകളാണ് ഭൂരിഭാഗവും.
ചിലര് വിവാഹിതരായി കുടുംബമായി കഴിയുകയാണെങ്കിലും ഭര്ത്താവ് കൂടെയുണ്ടാകില്ല. അവരുടെ ഭര്ത്താക്കന്മാരെ വീട്ടില് നിന്ന് അകലെ ജോലിചെയ്യാന് പ്രേരിപ്പിക്കുന്ന നിയമമാണ് ഇവിടെയുള്ളത്. വാരാന്ത്യങ്ങളില് മാത്രമേ പുരുഷന്മാര്ക്ക് വീട്ടിലേക്ക് മടങ്ങാന് സാധിക്കുകയുള്ളു. അതുപോലും ഒരു ദിവസത്തില് കൂടുതല് താമസിക്കാനുള്ള അവകാശമില്ല. 18 വയസ് തികയുന്ന ആൺമക്കളെയും സമാനരീതിയില് പഠനത്തിനും മറ്റുമായി പട്ടണത്തിനു പുറത്തേക്ക് പറഞ്ഞയക്കുന്നു.
സ്വന്തം ഇഷ്ടപ്രകാരം ഈ പട്ടണത്തിലേക്ക് പ്രവേശിക്കാന് പോലും പുറത്തുനിന്നുള്ള മറ്റ് പുരുഷന്മാര്ക്ക് അനുവാദമില്ല. ജനസംഖ്യയുടെ ഏതാണ്ട് 95ശതമാനം യുവതികളെ ഉള്ക്കൊള്ളുന്ന ഈ പട്ടണം, അവിവാഹിതരായ പുരുഷന്മാരെ മാത്രം ചില നിര്ദേശങ്ങളുടെ അടിസ്ഥാനത്തില് ഗ്രാമത്തിലേക്ക് പ്രവേശിപ്പിക്കും. ഒരു ദിവസത്തെ താമസത്തിനു ശേഷം ഇവരെ തിരിച്ചയക്കും. തുടരാന് ആഗ്രഹമുള്ളവര് ഇവിടുത്തെ സ്ത്രീകളുടെ നിയമങ്ങളുമായി ഒത്തുപോകുമെന്ന് ഉറപ്പ് നല്കണം.
1890 കളില്, വ്യഭിചാരം ആരോപിച്ച് കുറ്റക്കാരനായ ഒരാളെ വിവാഹം കഴിക്കാന് ഒരു യുവതിയെ അധികാരികള് നിര്ബന്ധിച്ചു. എന്നാല്, ഇത് നിരസിച്ച യുവതിയും കുടുംബവും കത്തോലിക്കാസഭയില് നിന്ന് പുറത്താക്കപ്പെട്ടു. ഇതോടെ, ആ യുവതിയുടെ ആശയമാണ് ഇന്ന് ഈ ഗ്രാമം പാലിച്ചുപോരുന്നത്. ഈ യുവതിയുടെ കൂടെ അവിവാഹിതരായ മറ്റ് സ്ത്രീകളും, അമ്മ മാത്രമുള്ള കുടുംബങ്ങളും ഈ കമ്മ്യൂണിറ്റിയില് ചേര്ന്നു. പുരുഷന്മാരെ അവരുടെ ജീവിതരീതിയില് ഇടപെടാനുള്ള ശ്രമങ്ങള് കര്ശനമായി തടഞ്ഞ്, സ്വന്തം ഇഷ്ടപ്രകാരം ജീവിക്കാനുള്ള അവരുടെ ആഗ്രഹത്തെ ശക്തിപ്പെടുത്തുക എന്നതായിരുന്നു ഇവിടുത്തെ സ്ത്രീകളുടെ ലക്ഷ്യം.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: