മുംബൈ: സ്‌കൂൾ യൂണിഫോമിലുള്ള ബോളിവുഡ് താരം കിങ് ഷാരൂഖ് ഖാന്‍റെ ചിത്രം സോഷ്യൽ മീഡിയയിൽ വൈറലാകുന്നു. ഒരു ആരാധകനാണ് ക്ലാസിലെ കുട്ടികൾക്കൊപ്പം ഒരു കടയിൽ നിൽക്കുന്ന ഷാരൂഖ് ഖാന്‍റെ ചിത്രം പങ്കുവെച്ചത്. ഇതോടെ ആരാധകർ ചിത്രം ഏറ്റെടുത്ത് കഴിഞ്ഞു.
നിരവധി താരങ്ങളും ചിത്രത്തിന് താഴെ കമന്‍റ് ചെയ്‌തിരുന്നു. 1992 ൽ ബോളിവുഡ് സിനിമയായ ദീവാനക്ക് മുമ്പ് ടെലിവിഷനിലൂടെയാണ് താരം തൻ്റെ അഭിനയ ജീവിതത്തിന് തുടക്കം കുറിച്ചത്. പിന്നീട് ഡർ, ബാസീഗർ, ദിൽവാലെ ദുൽഹനിയ ലെ ജായേങ്കെ, കുച്ച് കുച്ച് ഹോത്താ ഹേ എന്നീ ചിത്രങ്ങളിലൂടെ ഷാരൂഖ് ഖാൻ ബോളിവുഡിൽ താരമായി മാറി.
പത്താൻ എന്ന ചിത്രത്തിലാണ് ഷാരുഖ് ഖാൻ ഇപ്പോൾ അഭിനയിക്കുന്നത്. രണ്ട് വർഷത്തിന് ശേഷം ഷാരൂഖ് ഖാൻ അഭിനയിക്കുന്ന പത്താൻ ഒരു സ്പൈ-ത്രില്ലറാണ്. ചിത്രത്തിൽ ദീപിക പദുകോണാണ് നായിക. ചിത്രത്തിൽ സൽമാൻ ഖാൻ അതിഥി വേഷത്തിൽ എത്തുമെന്നും സൂചനയുണ്ട്. സിദ്ധാർഥ് ആനന്ദാണ് സംവിധായകൻ.
2018 ൽ പുറത്തിറങ്ങിയ സീറോ എന്ന ആനന്ദ് എൽ റായ് ചിത്രത്തിലാണ് ഷാരൂഖ് ഖാൻ അവസാനമായി അഭിനയിച്ചത്. ചിത്രത്തിൽ കത്രീന കൈഫ്, അനുഷ്‌ക ശർമ്മ എന്നിവരായിരുന്നു നായികമാർ. ലയൺ കിങ്ങിന്റെ ഹിന്ദി പകർപ്പിൽ മുസാഫ എന്ന കഥാപാത്രത്തിന് ശബ്ദ്ദം നൽകിയത് ഷാരൂഖ് ഖാനായിരുന്നു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: