പീരുമേട്: അയൺ എന്ന സൂര്യ ചിത്രത്തിലെ നൃത്തരംഗവും സ്റ്റണ്ടും പുനരാവിഷ്‌കരിച്ച് വൈറലായ തെങ്കൽ ചൂളയിലെ കുട്ടികൾ സിനിമയിലേക്ക്. കണ്ണൻ താമരക്കുളം സംവിധാനം ചെയ്യുന്ന വിരുന്ന് എന്ന സിനിമയിലേക്കാണ് ഇവർക്ക് ക്ഷണം ലഭിച്ചത്. തമിഴ് നടൻ അർജുനും നിക്കി ഗൽറാണിക്കും ഒപ്പമാണ് ആദ്യത്തെ അഭിനയം.
ഇഷ്ടതാരമായ തമിഴ് നടൻ സൂര്യയുടെ ജന്മദിനത്തിലാണ് ചെങ്കൽച്ചൂളയിലെ ഈ കുട്ടികൾ അയൻ സിനിമയിലെ നൃത്തരംഗം പുനരാവിഷ്‌കരിച്ച് സാമൂഹിക മാധ്യമങ്ങളിൽ പോസ്റ്റ് ചെയ്‌തത്‌. മൊബൈൽ ക്യാമറ ഉപയോഗിച്ച് കുട്ടികൾ തന്നെയാണ് ചിത്രീകരണവും എഡിറ്റിങ്ങും നിർവഹിച്ചത്.
സൂര്യ അടക്കമുള്ളവർ വീഡിയോ ഷെയർ ചെയ്‌തതോടെ സംഭവം വൈറലായി. സൂര്യ ഇവരെ അഭിനന്ദിച്ച് പോസ്റ്റിടുകയും ചെയ്‌തിരുന്നു. സിനിമയിൽ അഭിനയിക്കാനാണ് ആഗ്രഹമെന്ന് അന്ന് ഇന്‍റർവ്യൂവിൽ കുട്ടികൾ വ്യക്തമാക്കിയിരുന്നു. ഇത് ശ്രദ്ധയിൽപ്പെട്ട സംവിധായകൻ കണ്ണൻ താമരക്കുളവും നിർമാതാവും നടനുമായ ഗിരീഷ് നെയ്യാറും ഇവരെ തേടിയെത്തുകയായിരുന്നു. ഇപ്പോൾ കുട്ടിക്കാനത്ത് ചിത്രീകരണം നടക്കുന്ന സിനിമയിൽ 11 അംഗ സംഘത്തിന് വേഷവും നൽകി. സിനിമയിൽ നായികാ നിക്കി ഗൽറാണിയെ തട്ടിക്കൊണ്ടുപോകുന്ന സംഘത്തിലെ അംഗങ്ങളായാണ് ഇവർ സിനിമയിൽ വേഷമിടുന്നത്.
സംഘത്തിന്‍റെ തലവനായി അഭിനയിക്കുന്നത് പ്രമുഖ സംവിധായകൻ അജയ് വാസുദേവാണ്.കുട്ടിക്കാനത്ത് ഷൂട്ടിങ്ങിനിടെ കുട്ടികളുടെ ഡാൻസ് കണ്ട നടി നിക്കി ഗൽറാണിയും സെറ്റിൽ ഇവർക്കൊപ്പം ചുവടുവച്ചു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: