കുവൈത്ത് സിറ്റി: പറക്കുന്ന വിമാനത്തിനുള്ളിൽ യുവതിക്ക് സുഖ പ്രസവം. കുവൈത്തിൽ നിന്നും ഫിലിപ്പീൻസ് തലസ്ഥാനമായ മനിലയിലേക്കുള്ള യാത്രക്കിടെയാണ് യുവതിക്ക് പ്രസവ വേദനയുണ്ടായത്.
ഫിപ്പീൻ സ്വദേശിനിയാണ് കുവൈസ് എയർവേയ്സ് വിമാനത്തിൽ കുഞ്ഞിന് ജൻമം നൽകിയത്. കെയു417 വിമാനത്തിലാണ് സംഭവം ഉണ്ടായത്. കുവൈത്തിൽ നിന്നും മനിലയിലേക്ക് ഒൻപതു മണിക്കൂറോളമാണ് യാത്രാ ദൈർഘ്യം.
കുവൈത്ത് എയർവേയ്സ് തന്നെയാണ് വിവരം പുറത്തുവിട്ടത്. വിമാനത്തിലെ ജീവനക്കാർ തന്നെയാണ് അടിയന്തിര സാഹചര്യത്തിൽ പ്രസവം കൈകാര്യം ചെയ്തത്.
ട്വിറ്ററിലൂടെയാണ് എയർവേയ്സ് അധികൃതർ ഇക്കാര്യം അറിയിച്ചത്. വിമാനത്തിന്റെ ക്യാബിൻ ക്രൂ അംഗങ്ങളിൽ ഒരാളുടെ കൈയിൽ കുഞ്ഞ് കിടക്കുന്ന ചിത്രവും പുറത്ത് വന്നിട്ടുണ്ട്. ചുറ്റും കൂടിയിരിക്കുന്ന മറ്റ് അംഗങ്ങളുടെ മുഖത്തെ സന്തോഷവും ചിത്രത്തിൽ കാണാം. Kuwait Airways Crew Deliver Baby On Flight to Manila! pic.twitter.com/8NANgyVYe2
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GJaKOlvs1xxHPZvUgAJSae
എട്ട് ജില്ലകളിൽ റെഡ് അലർട്ട്; വീണ്ടും തീവ്രമഴ
തിരുവനന്തപുരം: സംസ്ഥാനത്ത് എട്ട് ജില്ലകളിൽ അതിതീവ്ര മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്, കണ്ണൂര് ജില്ലകളിലാണ് റെഡ് അലർട്ട് നല്കിയിരിക്കുന്നത്. അഞ്ച് ജില്ലകളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്. കൊല്ലം, മലപ്പുറം, കോഴിക്കോട്, വയനാട്, കാസര്കോട് എന്നീ ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. തിരുവനന്തപുരത്ത് യെല്ലോ അലര്ട്ടാണ്.
കേരളത്തിന് മുകളിൽ അന്തരീക്ഷചുഴിയും മധ്യ ബംഗാൾ ഉൾക്കടലിൽ ചക്രവാതച്ചുഴിയും നിലനിൽക്കുന്നതാണ് മഴ തുടരുന്നതിന് കാരണം. അതിതീവ്ര മഴ മുന്നറിയിപ്പ് ഇല്ലെങ്കിലും മലയോരമേഖലകളിൽ അതീവ ജാഗ്രത തുടരണം. കഴിഞ്ഞ ദിവസങ്ങളിൽ തുടർച്ചയായി മഴ ലഭിച്ച പ്രദേശങ്ങളിൽ ഉരുൾപൊട്ടലിനും മലവെള്ളപ്പാച്ചിലിനും സാധ്യത കൂടുതലാണ്. ഉയർന്ന തിരമാലകൾക്കും ശക്തമായ കാറ്റിനും സാധ്യതയുള്ളതിനാൽ മത്സ്യത്തൊഴിലാളികൾ കടലിൽ പോകരുത്.
സംസ്ഥാനത്ത് മഴക്കെടുതിയില് മരണം 21 ആയി. കാസർകോട് ഒഴുക്കിൽപ്പെട്ട റിട്ടയേർഡ് അധ്യാപികയുടെ മൃതദേഹം കണ്ടെത്തി. ചാവക്കാട് കഴിഞ്ഞ ദിവസം കാണാതായ രണ്ട് മത്സ്യത്തൊഴിലാളികളിൽ ഒരാളുടെ മൃതദേഹം വലപ്പാട് കടപ്പുറത്ത് കരക്കടിഞ്ഞു. വർഗീസ് എന്ന മണിയന്റെ മൃതദേഹമാണ് കരക്കടിത്തത്.
Post A Comment: