സോഷ്യൽ മീഡിയ കാമുകനൊപ്പം പെൺകുട്ടിയുടെ ഒളിച്ചോട്ടം; മൊഴിയെടുത്തപ്പോൾ പുറത്ത് വന്നത് മുത്തഛന്‍റെ പീഡനം

കൊടുമൺ: സോഷ്യൽ മീഡിയ കാമുകനൊപ്പം പെൺകുട്ടി ഒളിച്ചോടിയ കേസ് അന്വേഷിച്ചപ്പോൾ പുറത്ത് വന്നത് മുത്തഛന്‍റെ പീഡനവും. സംഭവത്തിൽ പെൺകുട്ടിയുടെ മുത്തഛനും സോഷ്യൽ മീഡിയ കാമുകനും അറസ്റ്റിലായി. പത്തനാപുരം പിടവൂർ കമുകുംചേരി ഈട്ടിവിള രാജേഷ് (20) ആണ് പ്രായപൂർത്തിയാകാത്ത പെൺകുട്ടിയുമായി ഒളിച്ചോടിയത്.  

തുടർന്ന് പെൺകുട്ടിയുടെ പിതാവ് പൊലീസിൽ പരാതി നൽകി. തുടർന്ന് നടത്തിയ അന്വേഷണത്തിൽ പെൺകുട്ടിയെ കണ്ടെത്തിയ പൊലീസ് മൊഴി എടുത്തപ്പോഴാണ് തന്നെ 63 കാരനായ മുത്തഛൻ പീഡിപ്പിച്ചിരുന്നതായി പെൺകുട്ടി വെളിപ്പെടുത്തുന്നത്. 2018 മുതൽ മുത്തഛൻ തന്നെ പീഡിപ്പിക്കുന്നുണ്ടെന്ന് പെൺകുട്ടി പൊലീസിനെ അറിയിച്ചു. 

തുടർന്ന് ഇരുവരെയും അറസ്റ്റ് ചെയ്യാൻ പൊലീസ് തയാറാകുകയായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്‌തു. കൊടുമൺ ഇൻസ്പെക്റ്റർ എസ്. മഹേഷ് കുമാറിന്‍റെ നേതൃത്വത്തിൽ എസ്.ഐ അനൂപ് ചന്ദ്രൻ, എ.എസ്.ഐ സന്തോഷ് തുടങ്ങിയവരുടെ നേതൃത്വത്തിലായിരുന്നു അറസ്റ്റ്. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/L67XbjS4vdxJpqM0Dz7ehJ

കട്ടപ്പനയിൽ ജീപ്പും സ്‌കൂട്ടറും കൂട്ടിയിടിച്ച് ഒരു മരണം 

ഇടുക്കി:  തോട്ടം തൊഴിലാളികളുമായി പോയ ജീപ്പ് സ്‌കൂട്ടറിൽ ഇടിച്ച് യുവാവ് മരിച്ചു. സ്‌കൂട്ടർ യാത്രികൻ പുളിയൻമല വലിയപാറ പാലയ്ക്കൽ സണ്ണിയാണ് (50) മരിച്ചത്. കുമളി- മൂന്നാർ സംസ്ഥാന പാതയിൽ പുളിയൻമലയ്ക്ക് സമീപം ഇന്ന് വൈകിട്ട് 4.30 ഓടെയായിരുന്നു അപകടം. തോട്ടം തൊഴിലാളികളുമായി പോയ ജീപ്പ് സണ്ണിയുടെ സ്‌കൂട്ടറിനെ ഇടിച്ചു തെറിപ്പിക്കുകയായിരുന്നു. 

ചേറ്റുകുഴിയിലെ ഏലത്തോട്ടത്തിൽ നിന്നും പണി കഴിഞ്ഞ് സ്കൂട്ടറിൽ തിരികെ പുളിയന്മലയിലേക്ക് വരികയായികയായിരുന്നു സണ്ണി. പുളിയന്മലയിൽ നിന്നും തോട്ടം തൊഴിലാളികളുമായ് വണ്ടന്മേട് ഭാഗത്തേക്ക് പോയ ജീപ്പാണ് അപകമുണ്ടാക്കിയത്. അപകടത്തിൽ ഗുരുതരമായ് പരുക്കേറ്റ സണ്ണിയെ കട്ടപ്പന സഹകരണ ആശുപത്രിയിലെത്തിച്ചങ്കിലും മരണം സംഭവിക്കുകയായിരുന്നു. ജീപ്പിന്‍റെ അമിത വേഗതയാണ് മരണകാരണമെന്നാണ് പ്രാധമിക നിഗമനം. 

അപകടം സംഭവിച്ച് ഉടൻ തന്നെ വണ്ടൻമേട് പൊലീസ് സ്ഥലത്ത് എത്തി മേൽ നടപടികൾ സ്വീകരിച്ചു. സണ്ണിയുടെ മൃതദ്ദേഹം കട്ടപ്പനയിലെ സ്വകാര്യ ആശുപത്രി മോർച്ചറിയിലേക്ക് മാറ്റി. ഭാര്യ: ഷേർളി, മക്കൾ: അമൽ, അമിത.