കുമളിയിൽ മരം വീണ് ഏലത്തോട്ടം തൊഴിലാളി മരിച്ചു

ഇടുക്കി: ഏലത്തോട്ടത്തിൽ ജോലി ചെയ്യുന്നതിനിടെ മരം ഒടിഞ്ഞു വീണ് തൊഴിലാളി സ്ത്രീ മരിച്ചു. കുമളി ആനവിലാസം പത്തുമുറിയിലെ സ്വകാര്യ വ്യക്തിയുടെ ഏലത്തോട്ടത്തിലാണ് അപകടം നടന്നത്. തമിഴ്നാട് ഗൂഡല്ലൂർ സ്വദേശിനി പശുപതി (65)ആണ് മരിച്ചത്. 

തോട്ടത്തിൽ ജോലികൾക്കിടെ ഉണങ്ങിയ മരം ഒടിഞ്ഞു വീഴുകയായിരുന്നു. രണ്ട് ദിവസമായി പ്രദേശത്ത് കനത്ത മഴയുണ്ടായിരുന്നു. മരം വീണ് ഗുരുതര പരുക്കേറ്റ ഇവരെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കുമളി പ്രാഥമികാരോഗ്യ കേന്ദ്രത്തിൽ. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/L67XbjS4vdxJpqM0Dz7ehJ