ഇടുക്കി: കട്ടപ്പനയിൽ ഒൻപതാം ക്ലാസ് വിദ്യാർഥിനിയെ ലൈംഗികമായി ദുരുപയോഗം ചെയ്യാൻ ശ്രമിച്ച സ്‌കൂൾ അധ്യാപകനെതിരെ കേസ്. ഇടുക്കി കട്ടപ്പന പൊലീസ് സ്റ്റേഷൻ പരിധിയിലെ സ്‌കൂളിലാണ് സംഭവം നടന്നിരിക്കുന്നത്. ഈട്ടിത്തോപ്പ് പിരിയംമാക്കൽ ഷെല്ലി ജോർജിനെതിരെയാണ് കട്ടപ്പന പൊലീസ് കേസെടുത്തിരിക്കുന്നത്. പ്രതി നിലവിൽ ഒളിവിലാണ്.
ദൂരസ്ഥലത്തു നിന്നും ഹോസ്റ്റലിൽ നിന്നു പഠിക്കുന്ന കുട്ടിക്ക് നേരെയാണ് പലതവണയായി ലൈംഗികാതിക്രമം നടന്നത്. പെൺകുട്ടിയെ സ്‌കൂളിൽ വച്ചും പുറത്തു വച്ചും പ്രതി പീഡിപ്പിക്കാൻ ശ്രമിച്ചെന്നാണ് കേസ്. ലൈംഗിക താൽപര്യത്തോടെ കുട്ടിയുടെ ശരീര ഭാഗങ്ങളിൽ സ്‌പർശിക്കുകയും ദുരുപയോഗം ചെയ്യാൻ ശ്രമിക്കുകയുമായിരുന്നു.
തുടർന്ന് പെൺകുട്ടി ചൈൽഡ് ലൈനെ വിവരം അറിയിക്കുകയും ഇവർ പൊലീസിനു വിവരം കൈമാറുകയുമായിരുന്നു. പ്രതിയെ കണ്ടെത്താൻ അന്വേഷണം ആരംഭിച്ചതായി കട്ടപ്പന പൊലീസ് അറിയിച്ചു. ഇയാൾക്കെതിരെ പോക്‌സോ അടക്കമുള്ള വകുപ്പുകൾ ചുമത്തിയിട്ടുണ്ട്. പ്രതി സമാനമായി നേരത്തെയും ആരോപണം നേരിട്ടിട്ടുണ്ടെന്നാണ് വിവരം.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JADaOBrSTxqKfsrW1ZkLRV
Post A Comment: