സംവിധായകനിൽ നിന്നും ഗർഭിണിയായി; പൊട്ടിക്കരഞ്ഞ് നടിയുടെ വെളിപ്പെടുത്തൽ

മുംബൈ: ബോളിവുഡിലെ പ്രമുഖ സംവിധായകനെതിരെ വെളിപ്പെടുത്തലുമായി നടി മന്ദന കരീമി. കങ്കണ റണാവത്ത് അവതാരികയായി എത്തുന്ന റിയാലിറ്റി ഷോയിലാണ് നടി വെളിപ്പെടുത്തൽ നടത്തിയത്. ബോളിവുഡിലെ പ്രമുഖ സംവിധായകനിൽ നിന്നും താൻ ഗർഭിണിയായെന്നും തന്നെ നിർബന്ധിച്ച് അയാൾ ഗർഭ ചിദ്രത്തിനു വിധേയയാക്കിയെന്നും നടി റിയാലിറ്റി ഷോയിൽ തുറന്നു പറഞ്ഞു.  

ഒരുമിച്ചു ജീവിക്കാമെന്നും കുഞ്ഞിനു ജൻമം നൽകാമെന്നും വിശ്വസിപ്പിച്ചിരുന്നു. എന്നാൽ ഗർഭിണിയായതോടെ അയാൾ വാക്കുമാറ്റുകയായിരുന്നു. സ്ത്രീകളുടെ അവകാശങ്ങളെ കുറിച്ച് നിരന്തരം ശബ്ദം ഉയർത്തിയ ആളായിരുന്നു ആ സംവിധായകനെന്നും നടി പറഞ്ഞു. 

ആദ്യ പങ്കാളി ഗൗരവ് ഗുപ്‌തയുമായി വേർപിരിഞ്ഞതിനു ശേഷം ബോളിവുഡിലെ സംവിധായകനുമായി താൻ രഹസ്യമായി അടുക്കുകയായിരുന്നു. ആ സമയത്ത് താനാകെ തകർന്നിരിക്കുകയായിരുന്നു. പലരുടെയും ആരാധനാ പാത്രമായിരുന്നു അദ്ദേഹം. ഞങ്ങൾ ഇരുവരും ചേർന്നാണ് കുഞ്ഞിനു ജൻമം നൽകാമെന്ന് തീരുമാനിച്ചത്. എന്നാൽ താൻ ഗർഭിണിയായെന്നറിഞ്ഞതോടെ അ‍യാളുടെ വിധം മാറി. അതോടെ കുഞ്ഞിനെ നശിപ്പിക്കേണ്ടി വന്നെന്നും കണ്ണീരോടെ മന്ദന വെളിപ്പെടുത്തി. 

മന്ദനയുടെ തുറന്നു പറച്ചിൽ അടങ്ങുന്ന പ്രമോ വീഡിയോ അണിയറ പ്രവർത്തകർ പുറത്തു വിട്ടിട്ടുണ്ട്. ലോക്അപ് എന്ന ഷോയിലെ രഹസ്യങ്ങൾ വെളിപ്പെടുത്താനുള്ള ടാസ്‌കിലാണ് മത്സരാർഥിയായ മന്ദന തുറന്നു പറച്ചിൽ നടത്തിയത്. 

മന്ദനയുടെ വാക്കുകൾ അവതാരികയായ കങ്കണയെ ഉൾപ്പെടെ കണ്ണീരിലാക്കി. നടിയെ മറ്റു മത്സരാർഥികൾ ചേർന്ന് ആശ്വസിപ്പിക്കുന്നതും വീഡിയോയിൽ കാണാം. റോയ് എന്ന ബോളിവുഡ് ചിത്രത്തിലൂടെയാണ് നടി അഭിനയ രംഗത്തേക്ക് എത്തുന്നത്. ബിഗ് ബോസ് ഒൻപതാം സീസണിൽ സെക്കൻഡ് റണ്ണർ അപ് ആ‍യിരുന്നു.

.@manizhe ke secret revelation se hua #LockUpp emotional.

Watch the Judgement Day episode streaming tonight at 10:30 pm

Play the @LockuppGame now. pic.twitter.com/R7jGtL0tbc

— ALTBalaji (@altbalaji) April 10, 2022

 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/G3kWoJQhFFb3jnAVEeRmzi

ഇന്നും ശക്തമായ മഴ തുടരും

തിരുവനന്തപുരം: സംസ്ഥാനത്ത് ഇന്നും മഴ തുടരും. ഒറ്റപ്പെട്ടയിടങ്ങളിൽ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഉച്ചയോട് കൂടിയായിരിക്കും മഴയ്ക്ക് തുടക്കമാകുക. പത്തനംതിട്ട, ആലപ്പുഴ, കോട്ടയം , ഇടുക്കി ജില്ലകളിൽ ഇന്ന് യെല്ലോ അലർട്ടുണ്ട്. മഴയ്ക്കൊപ്പം ഇടിമിന്നലും 40 കിലോമീറ്റർ വേഗതയിൽ കാറ്റിനും സാധ്യതയുണ്ട്. 

തെക്ക് പടിഞ്ഞാറൻ ബംഗാൾ ഉൾക്കടലിലെ ചക്രവാതച്ചുഴിയാണ് നിലവിലെ മഴയ്ക്ക് കാരണം. ഇതിന്‍റെ സ്വാധീനഫലമായുണ്ടാകുന്ന കാറ്റ് മഴയ്ക്ക് അനുകൂലമാകും. നാളെയും മാറ്റന്നാളും കൂടുതൽ മഴയ്ക്ക് സാധ്യതയുണ്ട്. തെക്കൻ കേരളത്തിലും മധ്യകേരളത്തിലുമായിരിക്കും കൂടുതൽ മഴ. മത്സ്യബന്ധനത്തിനുള്ള വിലക്ക് തുടരുകയാണ്. 

വേനൽ മഴയിൽ ആലപ്പുഴ ജില്ലയിൽ ഇതുവരെ 28 കോടിയുടെ കൃഷി നാശം ഉണ്ടായി. 1500 ഹെക്ടർലെ നെൽ കൃഷി നശിച്ചു. മഴ തുടർന്നാൽ കനത്ത നഷ്ടം നേരിടേണ്ടി വരുമെന്ന ആശങ്കയിൽ ആണ് കർഷകർ.