കൊച്ചി: ആഗോള വാഹന വിപണിയിലെ, തങ്ങളുടെ ഏറ്റവും പ്രസിദ്ധമായ വാഹനങ്ങള് ഇന്ത്യയിലും അവതരിപ്പിക്കാന് തയ്യാറെടുത്ത് നിസാന്. നിസാന് എക്സ്- ട്രെയില്, ക്വാഷ്കി എന്നീ എസ് യു വികളുടെ ഇന്ത്യന് റോഡുകളിലെ ടെസ്റ്റിങ് ഉടന് ആരംഭിക്കും.
ജ്യൂക്കിന്റെ പ്രദര്ശനവും ആരംഭിക്കും. ഇന്ത്യന് സാഹചര്യങ്ങള്ക്കും ഉപഭോക്താക്കള്ക്കും ഇവ എത്രത്തോളം യോജിക്കുമെന്ന് അറിയുകയാണ് നിസാന്റെ ലക്ഷ്യം.
ചെന്നൈയിലെ നിസാന് പ്ലാന്റിനടുത്തുള്ള റോഡുകളിലായിരിക്കും കമ്പനിയുടെ എന്ജിനീയര്മാരുടെ മേല്നോട്ടത്തിലുള്ള പരീക്ഷണ ഓട്ടങ്ങള്. ടെസ്റ്റിങ് പൂര്ത്തിയാക്കിയാല് എക്സ്- ട്രെയില് ആയിരിക്കും ഇന്ത്യയില് ആദ്യം വില്പനയാരംഭിക്കുക. മറ്റു മോഡലുകള് അതിനു ശേഷം അവതരിപ്പിക്കും.
ഇന്ത്യന് വിപണിക്കു വലിയ സാധ്യതകളുണ്ടെന്നും പുതിയ തലമുറയിലെ ഇന്ത്യന് ഉപഭോക്താക്കള്ക്കിണങ്ങുന്ന മികച്ച വാഹന നിര ഇവിടെ അവതരിപ്പിക്കേണ്ടതുണ്ടെന്നും നിസാന് ഇന്ത്യ പ്രസിഡന്റ് ഫ്രാങ്ക് ടോറെസ് പറഞ്ഞു. നിസാന് മാഗ്നൈറ്റിന്റെ വന് വിജയമാണ് പുതിയ എസ് യു വികള് അവതരിപ്പിക്കാന് പ്രയോജനമായതെന്നും അദ്ദേഹം വ്യക്തമാക്കി.
മികച്ച മോഡലും സര്ക്കാരിന്റെ പിന്തുണയോടെയുള്ള ഉൽപാദന സൗകര്യങ്ങളുമുണ്ടെങ്കില് ഇന്ത്യന് വിപണിയില് വിജയമുറപ്പാണെന്ന പാഠമുള്കൊണ്ട്, ഇന്ത്യയില് സാന്നിദ്ധ്യം ശക്തിപ്പെടുത്തുന്നതിനുള്ള നവീകരണ-വിപുലീകരണ പദ്ധതികള് ആവിഷ്ക്കരിച്ചിരിക്കുകയാണ് നിസാന്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/K9HGPi6sF9nFJuDUTC4VNe
ലൈവ് ആത്മഹത്യാ ശ്രമത്തിനു പിന്നിൽ ടൊമാറ്റോ സോസ്
തിരുവനന്തപുരം: ഇൻസ്റ്റഗ്രാം, ഫെയ്സ് ബുക്ക് മാതൃകമ്പനിയായ മെറ്റയെയും കേരള സൈബർ സെല്ലിനെയും മുൾമുനയിൽ നിർത്തിയ ലൈവ് ആത്മഹത്യാ ശ്രമം തട്ടിപ്പ്. ഇന്നലെ വെകിട്ടാണ് തിരുവനന്തപുരം കരമനയിലുള്ള യുവതി ഇൻസ്റ്റഗ്രാമിൽ ആത്മഹത്യാ ശ്രമം നടത്തുന്നതായി വീഡിയോ ഇട്ടത്.
മെറ്റയുടെ സെൻസർ മെഷനീനുകൾ ഇത് കണ്ടെത്തുകയും ഉടൻ തന്നെ യുവതിയുടെ ഐപി അഡ്രസ് അടക്കം കൊച്ചി സൈബർ പൊലീസിനു വിവരം കൈമാറുകയുമായിരുന്നു. നിമിഷങ്ങൾക്കുള്ളിൽ പൊലീസ് തിരുവനന്തപുരം പൊലീസുമായി ബന്ധപ്പെട്ട് യുവതിയെ ലൊക്കേറ്റ് ചെയ്ത് രക്ഷപെടുത്തി.
എന്നാൽ പിന്നീടാണ് മനസിലായത് യുവതി നടത്തിയത് ആത്മഹത്യാ നാടകം മാത്രമായിരുന്നുവെന്ന്. കൈത്തണ്ടയിൽ ടൊമോട്ടോ സോസ് തേച്ച് കാമുകനെ പറ്റിക്കുകയായിരുന്നു യുവതിയുടെ ലക്ഷ്യം.
മൂന്ന് വര്ഷമായി ഒപ്പം താമിസിക്കുന്ന മാമ്പഴക്കര സ്വദേശിയായ യുവാവുമായി രാവിലെ വാക്കുതര്ക്കം ഉണ്ടായതായും ഇതിനെ തുടര്ന്ന് യുവാവന് പുറത്ത് പോയെന്നും യുവതി പറഞ്ഞു. ഏറെ നേരമായിട്ടും ഇയാള് മടങ്ങി വന്നില്ല. ഫോണ് വിളിച്ചിട്ട് എടുത്തില്ല. തുടര്ന്ന് ഇയാളെ ഭയപ്പെടുത്താന് വേണ്ടി ടൊമാറ്റോ സോസ് കൈയില് തേച്ച് വ്യാജ ആത്മഹത്യാ ശ്രമമായിരുന്നു അതെന്നും യുവതി പൊലീസിനോട് പറഞ്ഞു. പൊലീസ് സ്ഥലത്തെത്തുമ്പോള് യുവാവും യുവതിയോടൊപ്പമുണ്ടായിരുന്നു. ഇതേ തുടര്ന്ന് ഇരുവരെയും പൊലീസ് താക്കീത് ചെയ്തു.
Post A Comment: