ഇടുക്കി: അഞ്ചാം ക്ലാസ് വിദ്യാർഥിയെ വിഷം ഉള്ളിൽ ചെന്നു മരിച്ച നിലയിൽ കണ്ടെത്തി. ഇടുക്കി ഏലപ്പാറയിലാണ് സംഭവം നടന്നത്. മാടപ്പുറം സതീഷിന്റെ മകൻ സ്റ്റെഫിൻ (11) ആണ് മരിച്ചത്. ആത്മഹത്യയാണെന്നാണ് പ്രാഥമിക നിഗമനം.
മാതാപിതാക്കൾ ജോലിക്ക് പോയ സമയത്താണ് കുട്ടി വിഷം കഴിച്ചത്. കാരണം എന്താണെന്ന് വ്യക്തമായിട്ടില്ല. പീരുമേട് പൊലീസ് മേൽനടപടി സ്വീകരിച്ചിട്ടുണ്ട്. കുട്ടിയുടെ വീട്ടുകാരുടെ അടക്കം മൊഴി രേഖപ്പെടുത്തിയ ശേഷം മാത്രമേ ഇതിനുള്ള കാരണം വ്യക്തമാകു എന്ന് പൊലീസ് പറഞ്ഞു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/K9HGPi6sF9nFJuDUTC4VNe
വീണ്ടും ന്യൂനമർദം; മഴ വ്യാപകമാകും
തിരുവനന്തപുരം: ബംഗാൾ ഉൾക്കടലിൽ ന്യൂനമർദം രൂപപ്പെട്ടതായി കേന്ദ്ര കാലാവസ്ഥാ നിരീക്ഷണ കേന്ദ്രം. വടക്കൻ ആൻഡമാൻ കടലിനു മുകളിലാണ് ന്യൂനമർദം രൂപപ്പെട്ടത്. ശനിയാഴ്ച്ച പടിഞ്ഞാറ് വടക്ക് പടിഞ്ഞാറൻ ദിശയിൽ സഞ്ചരിച്ച് തീവ്ര ന്യൂനമർദമാകുമെന്നും ഞായറാഴ്ച്ച ഇത് സിത്രംഗ് ചുഴലിക്കാറ്റായി മാറാൻ സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.
അറബിക്കടലിൽ മഹാരാഷ്ട്ര തീരത്തിനു സമീപം ചക്രവാത ചുഴി നിലനിൽക്കുന്നുണ്ട്. ഇതിന്റെയെല്ലാം സ്വാധീന ഫലമായി ശനിയാഴ്ച്ചവരെ വ്യാപകമായി മഴ പെയ്യും. ഒറ്റപ്പെട്ടയിടങ്ങളിൽ ഇടിയോട് കൂടിയ മഴയ്ക്കും സാധ്യതയുണ്ട്.
Post A Comment: