കട്ടപ്പനയിൽ റിട്ട. എസ്.ഐയുടെ വീട്ടിൽ വമ്പൻ ചീട്ടുകളി

ഇടുക്കി: റിട്ട. എസ്.ഐയുടെ വീട്ടിൽ നടന്ന വൻ ചീട്ടുകളി, ലഹരി സംഘം പിടിയിൽ. ഇടുക്കി കട്ടപ്പനയിലാണ് വമ്പൻമാരുടെ സംഘം കുടുങ്ങിയത്. കട്ടപ്പന ടി.ബി ജംക്ഷനിലുള്ള റിട്ട. പൊലീസ് സബ് ഇൻസ്പെക്റ്റർ ദേവസ്യയുടെ വീടിനു മുകളിലത്തെ നിലയിലാണ് വൻ ചീട്ടുകളി സംഘം പിടിയിലായത്. ജില്ലാ പൊലീസ് മേധാവി വി.യു കുര്യാക്കോസിനു ലഭിച്ച രഹസ്യ വിവരത്തിന്‍റെ അടിസ്ഥാനത്തിലായിരുന്നു ഇവിടെ റെയിഡ് നടത്തിയത്. 

ദേവസി തന്‍റെ വീടിന്‍റെ മുകൾ നില ചീട്ടുകളിക്കായി വിട്ടു നൽകിയിരിക്കുകയായിരുന്നു. റെയിഡിൽ 10 അംഗ സംഘമാണ് പിടിയിലായത്. ഇവരിൽനിന്ന് കളിക്കാൻ ഉപയോഗിച്ച 21,480 രൂപയും ചീട്ടുകളും പിടിച്ചെടുത്തു. 

വീട്ടിൽ നിന്നും ഉണക്ക കഞ്ചാവും പിടികൂടിയിട്ടുണ്ട്. അറസ്റ്റ് ചെയ്ത പ്രതികളെ ജാമ്യത്തിൽ വിട്ടയച്ചു. കട്ടപ്പന ഡിവൈ.എസ്.പി. വി.എ. നിഷാദ് മോന്‍റെ  നേതൃത്വത്തിൽ കട്ടപ്പന എസ്.ഐ. ദിലീപ് കുമാർ, എ.എസ്.ഐ ഷിബു, എസ്.സി.പി.ഒ സുമേഷ്, സി.പി.ഒമാരായ  പ്രശാന്ത് മാത്യു, വി.കെ. അനീഷ് എന്നിവരുടെ നേതൃത്വത്തിലായിരുന്നു പരിശോധന. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/K9HGPi6sF9nFJuDUTC4VNe