കോഴിക്കോട്: പാറക്കുളത്തിൽ വീണ് ഏഴു വയസുകാരൻ മരിച്ചു. ഉള്ളേരി ആനവാതിലിലാണ് സംഭവം. എരവത്തുകണ്ടി ഫൈസല്-നസീറ ദമ്പതികളുടെ മകന് നസീഫ് അന്വര് ആണ് മരിച്ചത്.
ഇവർ വാടകയ്ക്ക് താമസിക്കുന്ന മുണ്ടോത്തുള്ള വീടിനുസമീപത്തെ പാറക്കുളത്തിലാണ് കുട്ടി വീണത്. വീടിനു സമീപത്ത് കളിച്ച ശേഷം ഇളയ സഹോദരനോടൊപ്പം കാല്കഴുകുന്നതിനായി എത്തിയപ്പോള് വെള്ളക്കെട്ടില് വഴുതി വീഴുകയായിരുന്നുവെന്ന് ബന്ധുക്കള് പറഞ്ഞു.
ഉടന് തന്നെ മൊടക്കല്ലൂര് മെഡിക്കല് കോളജ് ആശുപത്രിയിലും പിന്നീട് കോഴിക്കോട് മെഡിക്കല് കോളജ് ആശുപത്രിയിലും എത്തിച്ചിരുന്നു. ഇവിടെ ചികിത്സയിലിരിക്കെ വൈകിട്ടോടെയാണ് മരണം സംഭവിച്ചത്. കക്കഞ്ചേരി മര്ക്കസ് പബ്ലിക് സ്കൂളിലാണ് നസീഫ് അന്വര് പഠിക്കുന്നത്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/IjXOK79vV0mB3M4eg0HiVJ
കോഴിക്കോട് അയൽവാസി തീ കൊളുത്തിയ യുവതി മരിച്ചു
കോഴിക്കോട്: അയൽവാസിയായ യുവാവ് പെട്രൊൾ ഒഴിച്ച് തീകൊളുത്തിയ യുവതി മരിച്ചു. തിക്കോടി കാട്ടുവയൽ മാനോജിന്റെ മകൾ കൃഷ്ണപ്രിയ (22)യാണ് മരിച്ചത്. വലിയമഠത്തിൽ മോഹനന്റെ മകൻ നന്ദകുമാർ (26) വെള്ളിയാഴ്ച രാവിലെ പത്തോടെ കൃഷ്ണപ്രിയയുടെ ദേഹത്ത് പെട്രോളൊഴിച്ച് തീ കൊളുത്തുകയായിരുന്നു.
തുടർന്ന് സ്വയം തീ കൊളുത്തിയ ഇയാൾ ഗുരുതരാവസ്ഥയിൽ ചികിത്സയിലാണ്. തിക്കോടി പഞ്ചായത്ത് ഓഫീസിന് മുന്നിൽ വച്ചാണ് യുവതിയെ ഇയാൾ തീ കൊളുത്തിയത്. ഇയാളുടെ പ്രണയാഭ്യർഥന യുവതി നിരസിച്ചതാണ് കാരണമെന്ന് പൊലീസ് പറഞ്ഞു.
പൊള്ളലേറ്റ കൃഷ്ണപ്രിയയെ ഉടൻതന്നെ ആശുപത്രിയിൽ പ്രവേശിപ്പിച്ചിരുന്നു. യുവതിയുടെ വാനിറ്റി ബാഗും ചോറ്റുപാത്രവും, യുവാവിന്റെ മുണ്ടും സമീപത്ത് കത്തിക്കരിഞ്ഞ നിലയിൽ കാണപ്പെട്ടു. പൊള്ളലേറ്റ ഇരുവരെയും ഉടൻ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചെങ്കിലും പിന്നീട് കോഴിക്കോട് മെഡിക്കൽ കോളജ് ആശുപത്രിയിലും മാറ്റിയിരുന്നു. കൃഷ്ണപ്രിയയെ നന്ദു ഏറെ നാളുകളായി ശല്യം ചെയ്തിരുന്നതായി ബന്ധുക്കൾ പറഞ്ഞു.
Post A Comment: