കൊല്ലം: സോഷ്യൽ മീഡിയ പരിചയം മുതലാക്കി ഒൻപതാം ക്ലാസ് വിദ്യാർഥിനിയെ റെയിൽവെ സ്റ്റേഷനിലെത്തിച്ച് പീഡിപ്പിക്കാൻ ശ്രമിച്ച പ്രതി പിടിയിൽ. മലപ്പുറം വട്ടംകുളം നെല്ലിശേരി കാങ്കേല വളപ്പിൽ നിഹാദിനെ (22)യാണ് കിളികൊല്ലൂർ പൊലീസ് അറസ്റ്റ് ചെയ്തത്.
കിളികൊല്ലൂർ റെയിൽവെ സ്റ്റേഷനു സമീപത്താണ് പീഡന ശ്രമം നടന്നത്. മലപ്പുറം സ്വദേശിയായ യുവാവ് സോഷ്യൽ മീഡിയയിലൂടെയാണ് ഒൻപതാം ക്ലാസ് വിദ്യാർഥിനിയെ പരിചയപ്പെട്ടത്. തുടർന്ന് അടുപ്പം പ്രണയത്തിലേക്ക് വഴിമാറി. വിവാഹം കഴിക്കാമെന്ന് ഉറപ്പും കൊടുത്തു. ഇതോടെയാണ് നേരിൽ കാണാൻ പെൺകുട്ടി സമ്മതം മൂളിയത്.
തുടർന്ന് അഞ്ചിന് കൊല്ലത്തെത്തിയ യുവാവ് കിളികൊല്ലൂര് റെയില്വേ സ്റ്റേഷനിലെ പ്ലാറ്റ്ഫോമില് വിദ്യാർഥിനിയെ എത്തിച്ച് പീഡിപ്പിക്കാന് ശ്രമിച്ചെങ്കിലും പെണ്കുട്ടി എതിര്ത്തതിനെ തുടര്ന്ന് ഇയാള് രക്ഷപ്പെടുകയായിരുന്നു. തുടര്ന്ന്, ഇയാളുടെ മൊബൈല് കേന്ദ്രീകരിച്ച് നടത്തിയ അന്വേഷണത്തിലാണ് അറസ്റ്റ്.
കിളികൊല്ലൂര് ഇന്സ്പെക്ടര് വിനോദിന്റെ നേതൃത്വത്തില് എസ്.ഐമാരായ സ്വാതി, ജയന് സക്കറിയ, എ.എസ്.ഐമാരായ സന്തോഷ്കുമാര്, സുനില്കുമാര്, ജിജു, സി.പി.ഒ പ്രശാന്ത് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JADaOBrSTxqKfsrW1ZkLRV
മകൻ അമ്മയെ തീ കൊളുത്തി
തൃശൂർ: മദ്യം വാങ്ങാൻ പണം നൽകാതിരുന്നതിനെ തുടർന്ന് മകൻ അമ്മയെ തീ കൊളുത്തി. 75 വയസുള്ള ചമ്മണ്ണൂർ സ്വദേശിനി ശ്രീമതിയാണ് ഗുരുതര പരുക്കുകളോടെ ചികിത്സയിലുള്ളത്.
ഇവരുടെ മകൻ മനോജിനെ പൊലീസ് കസ്റ്റഡിയിൽ എടുത്തു. ശ്രീമതിയെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്. ഇന്നലെ രാത്രി 8.30ഓടെയായിരുന്നു സംഭവം. മദ്യത്തിനു പണം ചോദിച്ചെങ്കിലും നൽകാൻ ശ്രീമതി തയാറായില്ല.
ഇതോടെ മനോജ് മണ്ണെണ്ണ ഒഴിച്ച് തീ കൊളുത്തുകയായിരുന്നു. മനോജ് മദ്യത്തിന് അടിമയാണെന്ന് പൊലീസ് പറഞ്ഞു. ഇയാൾ മാനസിക രോഗത്തിനു ചികിത്സ തേടുന്നുണ്ട്.
Post A Comment: