ട്രെയിൻ വരുമ്പോൾ ട്രാക്കിനും പ്ലാറ്റ് ഫോമിനും ഇടക്ക് സ്ത്രീ; വീഡിയോ

ലക്‌നൗ: വലിയ അപകടങ്ങളിൽ നിന്നും തലനാരിഴയ്ക്ക് രക്ഷപെടുന്ന സംഭവങ്ങൾ നിരവധിയാണ്. ഇത്തരത്തിൽ ഒരു അപകടത്തിൽ നിന്നും രക്ഷപെട്ട സ്ത്രീയുടെ വീഡിയോയാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ഉത്തർപ്രദേശിലാണ് സംഭവം നടന്നത്. ട്രാക്കിൽ നിന്നും പ്ലാറ്റ് ഫോമിലേക്ക് കയറാൻ ശ്രമിച്ച സ്ത്രീ റെയിൽവെ ജീവനക്കാരന്‍റെ സമയോചിത ഇടപെടലിനെ തുടർന്നാണ് അത്ഭുതകരമായി രക്ഷപെട്ടത്.  

ഷിക്കോഹാബാദ് സ്റ്റേഷനിലാണ് സംഭവം നടന്നത്. ഒരു പ്ലാറ്റ് ഫോമിൽ നിന്നും മറ്റൊരു പ്ലാറ്റ് ഫോമിലേക്ക് പോകുന്നതിനായിട്ടാണ് സ്ത്രീ ട്രാക്കിലേക്ക് ഇറങ്ങിയത്. ട്രെയിൻ പ്ലാറ്റ് ഫോമിലേക്ക് വരുന്നതിന് നിമിഷങ്ങൾ മുമ്പായിരുന്നു സ്ത്രീയുടെ സാഹസികമായ ശ്രമം. 

ട്രെയിൻ വരുന്നത് കണ്ട റെയിൽവെ ജീവനക്കാരൻ ഓടിയെത്തി ഇവരെ പ്ലാറ്റ് ഫോമിലേക്ക് വലിച്ചു കയറ്റി. തൊട്ടുപിന്നാലെ ട്രെയിൻ അതിവേഗത്തിൽ പാഞ്ഞു പോകുന്നതും വീഡിയോയിൽ കാണാം.

Life saved once but risked again for water bottle.Lady was crossing track without using footover bridge & was unable to climb over the platform on the face approaching train in Shikohabad Station.Oir staff Welfare Inspector Sri Ram Swaroop Meena rushed towards her & saved the day pic.twitter.com/WGYsDonHtR

— J.Sanjay Kumar,IRTS (@Sanjay_IRTS) September 9, 2022

 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/JADaOBrSTxqKfsrW1ZkLRV