ഉദുമ: ഉറങ്ങിക്കിടന്ന അമ്മയുടെ തലയിൽ അമ്മിക്കല്ലിട്ട ശേഷം ചിരവ കൊണ്ട് തല അടിച്ചു തകർത്ത മകൻ ജീവനൊടുക്കി. കാസർകോടാണ് സംഭവം നടന്നത്. കാഞ്ഞങ്ങാട് മടിക്കൈ ആലയിലെ പട്ടുവക്കാരൻ വീട്ടിൽ സുധയുടെ മകൻ സുജിത് (19) ആണ് മരിച്ചത്. ഞായറാഴ്ച്ച രാത്രിയായിരുന്നു സംഭവം.
ബോധം തെളിഞ്ഞ് കണ്ണ് തുറന്ന് നോക്കിയപ്പോഴാണ് മകനെ തൂങ്ങി മരിച്ചനിലയില് കണ്ടത്. സുധ അലറിവിളിച്ചതിനെ തുടര്ന്ന് ഓടിയെത്തിയ നാട്ടുകാര് ഇരുവരേയും ജില്ലാ ആശുപത്രിയിലെത്തിക്കുകയായിരുന്നു. അപ്പോഴേക്കും സുജിത്ത് മരണപ്പെട്ടിരുന്നു.
തലയ്ക്ക് ഗുരുതരമായി പരുക്കേറ്റ സുധയെ പരിയാരം മെഡിക്കല് കോളെജ് ആശുപത്രിയിലേക്കും മാറ്റി. കയ്യൂര് ഐടിഐയിലെ ഒന്നാം വർഷ വിദ്യാർഥിയാണ് മരണപ്പെട്ട സുജിത്ത്. സുധയുടെ ഭര്ത്താവ് വര്ഷങ്ങൾക്ക് മുൻപേ ഇവരെ ഉപേക്ഷിച്ചു പോയിരുന്നു. അമ്മയും മകനും മാത്രമായിരുന്നു വീട്ടിലുണ്ടായിരുന്നത്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JADaOBrSTxqKfsrW1ZkLRV
Post A Comment: