ന്യൂഡെൽഹി: ഉറങ്ങുമ്പോൾ തലയണക്കരിയിൽ വച്ചിരുന്ന സ്മാർട്ട് ഫോൺ പൊട്ടിത്തെറിച്ച് യുവതി മരിച്ചു. ന്യൂഡെൽഹിയിലെ എൻസിആറിലാണ് സംഭവം നടന്നത്. ഒരു ടെക് യൂട്യൂബറാണ് ഈ വിവരം ട്വിറ്ററിലൂടെ പുറത്തുവിട്ടത്. ചൈനീസ് സ്മാര്ട്ട് ഫോണായ റെഡ്മി 6എ പൊട്ടിത്തെറിച്ച് തന്റെ ആന്റി മരിച്ചുവെന്നാണ് ട്വീറ്റില് പറയുന്നത്. ഇതിന്റെ ചിത്രങ്ങളും യൂട്യൂബര് പങ്കുവെച്ചിട്ടുണ്ട്.
ഫോണില് സംസാരിച്ചതിന് ശേഷം കിടക്കുമ്പോള് യുവതി ഫോണ് തലയണയ്ക്കരികില് വെച്ചിരുന്നു. രാവിലെ വീട്ടില് എത്തിയവരാണ് യുവതിയെ മരിച്ച നിലയില് കണ്ടെത്തിയത്. യുവതിയുടെ സമീപത്ത് ചോരയുണ്ടായിരുന്നു.
ഫോണ് പൊട്ടിത്തെറിച്ച നിലയിലായിരുന്നു. ഫോണ് വിളിക്കാനും യൂട്യൂബ് വീഡിയോകള് കാണാനും മാത്രമാണ് യുവതി ഫോണ് ഉപയോഗിച്ചിരുന്നത് എന്നും യൂട്യൂബര് പറയുന്നുണ്ട്. സ്മാര്ട്ട്ഫോണ് നിര്മ്മാണ കമ്പനിയായ ഷവോമി സംഭവത്തില് അന്വേഷണം പ്രഖ്യാപിച്ചു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/FQzpIvEspNvGQ6pBFqkUly
ഇടുക്കിയിൽ കെ.എസ്.ആർ.ടി.സി ബസ് മറിഞ്ഞ് ഒരു മരണം
ഇടുക്കി: കോതമംഗലം ചാക്കോച്ചി വളവിൽ കെ.എസ്.ആർ.ടി.സി ബസ് താഴ്ച്ചയിലേക്ക് മറിഞ്ഞ് ഒരാൾ മരിച്ചു. 25 പേർക്ക് പരുക്കേറ്റു. ഒരാളുടെ നില ഗുരുതരമാണ്. അടിമാലി കുളമാങ്കുഴി സ്വദേശി സജീവ് ആണ് മരിച്ചത്. അപകടത്തിൽപെട്ട ബസിനുള്ളിൽ നിന്നും പുറത്തെടുത്ത് കോതമംഗലം ധർണഗിരി ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.
പത്താം മൈൽ സ്വദേശി അസീസിനാണ് ഗുരുതരമായി പരുക്കേറ്റത്. ഇയാളെ രാജഗിരി ആശുപത്രിയിലേക്ക് മാറ്റി. കോതമംഗലത്ത് രണ്ട് ആശുപത്രികളിലായി 25 പേർ ചികിത്സയിലാണ്.
വാഹനത്തിന് സൈഡ് കൊടുക്കുന്നതിനിടെ ടയര് പൊട്ടിയാണ് ബസ് താഴ്ചയിലേക്ക് മറിഞ്ഞത്. ബസ് മരത്തിൽ തട്ടി നിന്നതിനാല് വലിയ അപകടം ഒഴിവായി. മൂന്നാറിൽ നിന്നും എറണാകുളത്തേക്ക് പോകുന്ന ബസാണ് അപകടത്തില്പ്പെട്ടത്. മൂന്നാറിൽ നിന്നും അഞ്ചു മണിക്ക് പുറപ്പെട്ട ബസാണിത്. അപകടം നടക്കുന്ന സമയത്ത് അറുപതോളം പേര് ബസിലുണ്ടായിരുന്നു. പരുക്കേറ്റവരെ കോതമംഗലം, നേര്യമംഗലം ആശുപത്രികളിലേക്ക് മാറ്റി.
Post A Comment: