ലക്‌നൗ: സോഷ്യൽ മീഡിയയിലൂടെ പരിചയപ്പെട്ട അധ്യാപികയെ ഹോസ്പിറ്റൽ ഹോസ്റ്റൽ മുറിയിലെത്തിച്ച് പീഡിപ്പിച്ച മൂന്നു ഡോക്‌ടർമാർക്കെതിരെ കേസ്. സംഭവത്തിൽ ഒരു ഡോക്‌ടർ അറസ്റ്റിലായിട്ടുണ്ട്. ഉത്തർപ്രദേശിലെ ബാസ്‌തി ജില്ലയിലാണ് സംഭവം നടന്നത്.
കൈലി ആശുപത്രിയിലെ ഡോക്‌ടർ സിദ്ധാർഥാണ് സ്വകാര്യ വിദ്യാഭ്യാസ സ്ഥാപനത്തിലെ അധ്യാപികയുമായി സോഷ്യൽ മീഡിയയിലൂടെ പരിചയത്തിലായത്. തുടർന്ന് ചാറ്റിങ്ങിലൂടെ ബന്ധം ദൃഢമാക്കുകയായിരുന്നു.
തുടർന്ന് അധ്യാപികയെ ഇയാൾ തന്ത്രപൂർവം ഹോസ്പിറ്റലിലെത്തിച്ചു. ഇവിടെ സംസാരത്തിനിടെ യുവതിയുമായി ഇയാൾ ആശുപത്രിയുടെ തന്നെ ഹോസ്റ്റൽ മുറിയിലെത്തി. ഈ സമയത്ത് മുറിയിൽ ആരും ഉണ്ടായിരുന്നില്ല. തുടർന്ന് ഡോക്‌ടർ യുവതിയെ നിർബന്ധിച്ച് ലൈംഗിക ബന്ധത്തിലേർപ്പെടുകയായിരുന്നു.
ഇതിനു ശേഷം തന്‍റെ രണ്ട് സുഹൃത്തുക്കളായ ഡോക്‌ടർമാരെയും ഇവിടേക്ക് വിളിച്ചുവരിത്തി. ഇവരും യുവതിയുമായി ലൈംഗിക ബന്ധത്തിലേർപ്പെട്ടു. പിന്നീട് യുവതി പൊലീസിനെ സമീപിക്കുകയായിരുന്നു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JADaOBrSTxqKfsrW1ZkLRV
ഇന്നും നാളെയും മഴ ശക്തമാകും
തിരുവനന്തപുരം: സംസ്ഥാനത്ത് ഇന്നും നാളെയും മഴ ശക്തമാകുമെന്ന് കാലാവസ്ഥാ നിരീക്ഷണ കേന്ദ്രം. ബംഗാൾ ഉൾക്കടലിൽ ആന്ധ്രാ തീരത്തിനു സമീപം ന്യൂനമർദ്ദം നിലനിൽക്കുന്നുണ്ട്. ഈ ന്യൂനമർദത്തിന്‍റെ സ്വാധീനഫലമായിട്ടാണ് മഴ ശക്തമാകുന്നത്.
ഇന്ന് എറണാകുളം, ആലപ്പുഴ, തൃശൂർ, വയനാട്, കോഴിക്കോട് പാലക്കാട്‌, മലപ്പുറം, കോട്ടയം ജില്ലകളിലാണ് കൂടുതൽ മഴ സാധ്യതയുള്ളത്. കഴിഞ്ഞ ദിവസങ്ങളിൽ സംസ്ഥാനത്ത് ഒറ്റപ്പെട്ട ശക്തമായ മഴ ലഭിച്ചിരുന്നു. ഉച്ചയ്ക്ക് ശേഷമാണ് മഴയ്ക്ക് കൂടുതൽ സാധ്യത. മലയോര മേഖലകളിൽ കൂടുതൽ മഴ കിട്ടിയേക്കും.
Post A Comment: