തിരുവനന്തപുരം: സംസ്ഥാനത്ത് നിരത്തുകളിലെ ട്രാഫിക് നിയമ ലംഘനം കണ്ടെത്താൻ വാട്‌സാപ് നമ്പരുമായി മോട്ടോർവാഹന വകുപ്പ്. വടക്കഞ്ചേരിയില്‍ കഴിഞ്ഞ ദിവസം സ്കൂള്‍ ടൂറിസ്റ്റ് ബസും കെഎസ്ആര്‍ടിസി ബസും കൂട്ടിയിടിച്ച് വിദ്യാർഥികളടക്കം ഒമ്പത് പേരാണ് മരിച്ചത്.
കേരളത്തില്‍ ഈ വര്‍ഷം ഓഗസ്റ്റ് മാസം വരെ 29,369 റോഡ് അപകടങ്ങള്‍ ഉണ്ടായെന്നും ഇത്രയും റോഡ് അപകടങ്ങളില്‍ 2,895 പേര്‍ മരിച്ചെന്നും കേരളാ പൊലീസിന്‍റെ ഔദ്യോഗിക ഫേസ്ബുക്ക് പേജില്‍ പറയുന്നു.
ട്രാഫിക്ക് നിയമലംഘനങ്ങള്‍ പൊതുജനങ്ങളുടെ ശ്രദ്ധയില്‍പ്പെട്ടാല്‍ അത് പൊലീസിനെ അറിക്കാമെന്നും അത് വഴി വിലപ്പെട്ട ജീവനുകള്‍ രക്ഷിക്കാമെന്നും ഫേസ്ബുക്ക് പോസ്റ്റില്‍ പറയുന്നു.
നിരത്തിൽ ട്രാഫിക് നിയമലംഘനങ്ങൾ ശ്രദ്ധയിൽപ്പെട്ടാൽ കേരള പൊലീസിന്‍റെ "ശുഭയാത്ര" വാട്സാപ്പ് നമ്പറിലേക്ക് ഫോട്ടോയും വീഡിയോയും സഹിതം പൊതുജനങ്ങള്‍ക്കും മെസേജ് അയക്കാം.
ട്രാഫിക് നിയമലംഘനങ്ങള്‍ പൊതുജനങ്ങളുടെ ശ്രദ്ധയില്‍പ്പെട്ടാല്‍ 9747001099 എന്ന നമ്പറിലേക്ക് സന്ദേശമയക്കാം. ഇത്തരത്തില്‍ ലഭിക്കുന്ന സന്ദേശത്തിന്മേൽ സ്വീകരിച്ച നടപടി ഏഴു ദിവസത്തിനകം നിങ്ങളെ അറിയിക്കുമെന്നും പൊലീസ് പറയുന്നു.
കേരളാ പൊലീസിന്‍റെ ഫെയിസ് ബുക്ക് പേജിലെ കുറിപ്പ്
ദയവായി ശ്രദ്ധിക്കൂ...
ഈ വർഷം ആഗസ്ത് മാസം വരെ 29369 റോഡപകടങ്ങളിൽ 2895 പേരുടെ ജീവനുകളാണ് നിരത്തുകളിൽ ഹോമിക്കപ്പെട്ടത്.
ഏറ്റവും ഒടുവിൽ വടക്കാഞ്ചേരിയിൽ വച്ചുണ്ടായ ദാരുണാപകടം നാമേവരെയും ദുഃഖത്തിലാഴ്ത്തി.
കേരളത്തിൽ ഏകദേശം ഒന്നരക്കോടിയോളം വാഹനങ്ങളുണ്ടെന്നാണ് കണക്ക്. പലവിധ ട്രാഫിക് നിയമങ്ങൾ ലംഘിച്ചതിന്
2022 ആഗസ്ത് വരെ മാത്രം മുപ്പതുലക്ഷത്തിലധികം ( 30 01588 ) പേർക്ക് പിഴ നൽകിയിട്ടുമുണ്ട്. ഇതിൽ
അലക്ഷ്യവും അശ്രദ്ധവുമായുമുള്ള ഡ്രൈവിംഗിന്‌ 16657 പേർക്കെതിരെയും മദ്യപിച്ച് വാഹനമോടിച്ചതിന് 32810 പേർക്കെതിരെയും കേസെടുത്തിട്ടുണ്ട്.
അതായത് ആകെ വാഹനങ്ങളുടെ അഞ്ചിലൊന്ന് വാഹനങ്ങളെ നിയമലംഘനം നടത്തിയതിന് പോലീസ് പിടികൂടിയിട്ടുണ്ട്. അതിലും എത്രയോ ഇരട്ടി നിയമലംഘനങ്ങൾ നിരത്തുകളിൽ നടക്കുന്നുണ്ട്. അത്തരം നിയമലംഘകരെക്കൂടി നിയമത്തിനു മുന്നിൽ കൊണ്ടുവരാൻ പോലീസിന് പൊതുജനങ്ങളുടെ സഹകരണം കൂടിയേ തീരൂ.
നിരത്തിൽ ട്രാഫിക് നിയമലംഘനങ്ങൾ നിങ്ങളുടെ ശ്രദ്ധയിൽപ്പെട്ടാൽ കേരള പോലീസിന്റെ "ശുഭയാത്ര" വാട്സാപ്പ് നമ്പറിലേക്ക് നിങ്ങൾക്ക് ഫോട്ടോയും വീഡിയോയും സഹിതം മെസ്സേജ് അയക്കാം. നിങ്ങളുടെ വിലപ്പെട്ട ഒരു മെസ്സേജ് അപകടങ്ങൾ ഒഴിവാക്കിയേക്കാം അതിലൂടെ നിരവധി ജീവനുകൾ സംരക്ഷിക്കപ്പെട്ടേയ്ക്കാം.
മെസ്സേജ് വാട്സാപ്പ് ചെയ്യേണ്ട നമ്പർ - 9747001099
നിങ്ങളുടെ സന്ദേശത്തിന്മേൽ സ്വീകരിച്ച നടപടി ഏഴു ദിവസത്തിനകം നിങ്ങളെ അറിയിക്കുന്നതാണ്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/DOjl7OJWQz6Iq6RErYpG8p
Post A Comment: