മാറിട സംരക്ഷണമാണ് സ്ത്രീകളെ അലട്ടുന്ന പ്രധാന വെല്ലുവിളി. പ്രത്യേകിച്ച് വിവാഹത്തിനൊരുങ്ങുന്ന യുവതികൾക്ക്. സെലിബ്രിറ്റി ഫിറ്റ്‌നസ് വിദഗ്‌ദയായ രുജുത ദിവ്യകാർ കഴിഞ്ഞ ദിവസം ഇൻസ്റ്റഗ്രാമിൽ ഒരു വീഡിയോ പങ്കുവച്ചിരുന്നു. സ്ത്രീകളുടെ ആരോഗ്യത്തെ കുറിച്ചും സ്‌തനങ്ങളുടെ പ്രാധാന്യത്തെക്കുറിച്ചുമായിരുന്നു വീഡിയോയിൽ അവർ വിശദീകരിച്ചത്.
ജിമ്മിൽ പോകാതെ തന്നെ ഉറപ്പുള്ള സ്‌തനങ്ങൾ കൈവരിക്കാൻ വീട്ടിൽ തന്നെ ചെയ്യാൻ പറ്റുന്ന വ്യായാമങ്ങളാണ് അവർ വീഡിയോയിലൂടെ അവതരിപ്പിച്ചത്.
നെഞ്ചിലേയും പുറത്തെയും പേശികളെ ശക്തിപ്പെടുത്തി സ്‌തനങ്ങൾ ഇടിഞ്ഞു തൂങ്ങുന്നത് തടയാനും ശരിയായ ആകൃതി നിലനിർത്താനുമുള്ള വ്യായാമങ്ങളാണ് രുജുത വീഡിയോയിൽ പങ്കുവയ്ക്കുന്നത്.
വ്യായാമങ്ങൾ ഇങ്ങനെ
സ്ത്രീകൾ ചുമലുകൾ വിടർത്തി നേരെ നിൽക്കണം. അടുത്ത ഘട്ടത്തിൽ നിങ്ങളുടെ വിരലുകൾ നിങ്ങളുടെ പിന്നിൽ ഇന്‍റർ ലോക്ക് ചെയ്‌ത ശേഷം തോളുകൾ താഴേക്ക് വലിക്കുക. അവസാന ഘട്ടമായി നിങ്ങളുടെ നെഞ്ച് ഉയർത്തണം. ഇതാണ് ആദ്യ വ്യായാമം.
രണ്ടാമത്തെ വ്യായാമത്തിൽ ഭിത്തിയ്ക്ക് അഭിമുഖമായി നിൽക്കണം. തുടർന്ന് രണ്ട് കൈപ്പത്തികളും നിങ്ങളുടെ നെഞ്ചിനോട് ചേർന്ന് ചുമരിൽ വയ്ക്കണം. ചുവരിൽ നിന്ന് അല്പം പിന്നോട്ട് നീങ്ങുക. കൈപ്പത്തി ഉയർത്താതെ, നിങ്ങളുടെ ശരീരം മതിലിലേക്ക് തള്ളുക, അങ്ങനെ നിങ്ങളുടെ നെഞ്ച് ചുമരിൽ സ്പർശിക്കും. കൈമുട്ട് പൂർണമായും നീട്ടി ആരംഭ സ്ഥാനത്തേക്ക് പോകുക. ഈ വ്യായാമം സ്‌തന പേശികളെ ശക്തിപ്പെടുത്തുന്നതിന് സഹായിക്കും.
സ്ത്രീകൾ മിക്കവരും നിശ്ചിത പ്രായത്തിനു ശേഷം സ്‌തനങ്ങളുടെ ആകൃതിയെ കുറിച്ച് കാര്യമായി ശ്രദ്ധ കൊടുക്കാറില്ല. എന്നാൽ മാറിടങ്ങൾ ശരീര ഭംഗി മാത്രമല്ല, കാലക്രമേണ കഴുത്ത് വേദന, തലവേദന, ദഹനക്കേട്, അസിഡിറ്റി, വിഷാദം എന്നിവയ്ക്ക് കാരണമാകുമെന്നും രുജുത പറയുന്നു. നടി കരീന കപൂറിന്‍റെ ന്യൂട്രീഷൻ വിദഗ്‌ദ കൂടിയാണ് ഇവർ.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: