ന്യൂഡൽഹി: രാജ്യത്തെ പ്രതിദിന കോവിഡ് കേസുകൾ ലോകത്തിലെ ഏറ്റവും ഉയർന്ന തലത്തിൽ. ഇന്നലെ മാത്രം 3,14,835 പേർക്കാണ് പുതുതായി രോഗം കണ്ടെത്തിയത്. ലോകത്തിലെ തന്നെ ഏറ്റവും ഉയർന്ന പ്രതിദിന കോവിഡ് കണക്കുകളാണിത്. കഴിഞ്ഞ ജനുവരി എട്ടിന് അമേരിക്കയിൽ റിപ്പോർട്ട് ചെയ്ത 3.07 ലക്ഷം എന്ന റെക്കോർഡാണ് ഇതോടെ ഇന്ത്യ മറികടന്നത്.
2,104 പേരാണ് കഴിഞ്ഞ ഇരുപത്തിനാലു മണിക്കൂറിനിടെ വൈറസ് ബാധ മൂലം മരിച്ചത്. 1,78,841 പേർ ഈ സമയത്തിനിടെ രോഗമുക്തി നേടി. ഇന്ത്യയിൽ ഇതു വരെ കോവിഡ് സ്ഥിരീകരിച്ചവരുടെ എണ്ണം 1,59,30,965 ആയി. ഇതിൽ 1,34,54,880 പേരാണ് രോഗമുക്തി നേടിയത്. മരണം ഇതുവരെ 1,84,657. 22,91,428 പേരാണ് നിലവിൽ കോവിഡ് ബാധിച്ചു ചികിത്സയിലുള്ളതെന്ന് കേന്ദ്ര ആരോഗ്യ മന്ത്രാലയം അറിയിച്ചു. ഇന്നലെ വരെ 13,23,30,644 പേർക്ക് വാക്സിൻ നൽകി.
രോഗ വ്യാപനം അതിരൂക്ഷമായി തുടരുന്ന മഹാരാഷ്ട്രയിൽ ഇന്നലെ രോഗം സ്ഥിരീകരിച്ചത് 67,468 പേർക്ക്. 568 പേർ മരിച്ചു. മുംബൈയിൽ മാത്രം 7,684 പേർക്കാണ് രോഗം സ്ഥിരീകരിച്ചത്. 54,985 രോഗമുക്തരായി. 40,27,827 പേരാണ് ആകെ രോഗബാധിതരായത്. 6,95,747 പേരാണ് ചികിത്സയിൽ ഉള്ളത്. കർണാടകയിൽ 23,558 പേർക്കാണ് പുതുതായി രോഗം സ്ഥിരീകരിച്ചത്. 116 പേർ മരിച്ചു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: