ദുബായ്: പ്രവാസികൾക്ക് ആശങ്കയായി രണ്ടാം കോവിഡ് വ്യാപനം. യുഎഇയിൽ ഇന്ത്യൻ വിമാനങ്ങൾക്ക് വിലക്കേർപ്പെടുത്തിയതോടെയാണ് മലയാളികൾ അടക്കമുള്ള നിരവധി പേർക്ക് തിരിച്ചടിയായത്. യുഎഇയിലെ എല്ലാ വിമാനത്താവളങ്ങളിലും ഇന്ത്യയിൽ നിന്നുള്ള വിമാനങ്ങൾക്ക് വിലക്കുണ്ട്. 24 മുതൽ വിലക്ക് പ്രാബല്യത്തിൽ വരും.
നിലവിൽ പത്ത് ദിവസത്തേക്കാണ് വിലക്കെങ്കിലും ഇത് നീളാൻ സാധ്യതയുണ്ട്. ഇന്ത്യയിൽ കോവിഡ് കേസുകൾ ഉയരുന്ന സാഹചര്യത്തിലാണ് തീരുമാനം. 14 ദിവസം ഇന്ത്യയിൽ തങ്ങുകയോ, ഇന്ത്യയിലൂടെ ട്രാൻസിറ്റ് ചെയ്യുകയോ ചെയ്‌ത യാത്രക്കാരെയും യുഎഇയിലേക്ക് കടത്തി വിടില്ല. ഒമാനിലും ഇന്ത്യക്കാർക്ക് കഴിഞ്ഞ ദിവസം വിലക്കേർപ്പെടുത്തിയിരുന്നു.
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: