ന്യൂഡൽഹി: രാജ്യത്ത് കുറവില്ലാതെ പ്രതിദിന കോവിഡ് രോഗികളുടെ എണ്ണം. 24 മണിക്കൂറിനിടെ 3,86,452 പേർക്കാണ് വൈറസ് ബാധ സ്ഥിരീകരിച്ചത്. ഇതോടെ രോഗ ബാധിതരുടെ ആകെ എണ്ണം 1,87,62,976 ആയി ഉയർന്നു. ഇന്നലെ മാത്രം 3,498 പേരാണ് വൈറസ് ബാധയെ തുടർന്ന് മരിച്ചത്. ഇതോടെ മരണ സംഖ്യാ 2,08,330 ആയി ഉയർന്നു. നിലവിൽ 31,70,228 പേരാണ് ചികിത്സയിൽ കഴിയുന്നത്.
പുതുതായി 2,97,540 പേരാണ് രോഗമുക്തി നേടിയത്. ഇതോടെ രോഗമുക്തരുടെ എണ്ണം 1,53,84,418 ആയി ഉയർന്നു. നിലവിൽ വാക്‌സിൻ നൽകിയവരുടെ എണ്ണം 15,22,45,179 ആയി ഉയർന്നതായി സർക്കാർ കണക്കുകൾ വ്യക്തമാക്കുന്നു.
മഹാരാഷ്ട്രയിൽ പുതുതായി 66,159 പേർക്ക് വൈറസ് ബാധ സ്ഥിരീകരിച്ചതായി മഹാരാഷ്ട്ര ആരോഗ്യവകുപ് കണക്കുകൾ വ്യക്തമാക്കുന്നു. ഈ സമയത്ത് 771 പേരാണ് കോവിഡ് ബാധിച്ച് മരിച്ചത്. നിലവിൽ കോവിഡ് ബാധിച്ച് ചികിത്സയിൽ കഴിയുന്നവരുടെ എണ്ണം ഏഴു ലക്ഷ്യത്തിലേക്ക് അടുക്കുകയാണ്. 6,70,301 പേരാണ് ചികിത്സയിൽ കഴിയുന്നത് എന്ന് സർക്കാർ കണക്കുകൾ വ്യക്തമാക്കുന്നു.
തമിഴ്‌നാട്ടിലും കോവിഡ് വ്യാപനം രൂക്ഷമായി തുടരുകയാണ്. 17,897 പേർക്കാണ് പുതുതായി വൈറസ് ബാധ സ്ഥിരീകരിച്ചത്. 107 പേർ കൂടി മരിച്ചതോടെ മരണ സംഖ്യാ 13,933 ആയി ഉയർന്നു. ഗുജറാത്തിൽ 14,327 പേർക്ക് കൂടി കോവിഡ് സ്ഥിരീകരിച്ചു. രാജസ്ഥാനിൽ കോവിഡ് വ്യാപനം രൂക്ഷമായി തുടരുകയാണ്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: