പ്രണയത്തിനു കണ്ണും മൂക്കുമില്ലെന്നൊക്കെ നാട്ടുകാർ പറയാറുണ്ടെങ്കിലും ഭർത്താവിനു പകരക്കാരനായി അമ്മായി അപ്പനെ കിടപ്പറയിലേക്ക് ക്ഷണിക്കുന്നത് അത്ര സുപരിചിതമല്ല. എന്നാൽ ഇത്തരം ഒരു സംഭവമാണ് ഇപ്പോൾ അന്താരാഷ്ട്ര വാർത്ത ഏജൻസികൾ പുറത്തു വിടുന്നത്. 31 കാരിയായ എറീക്ക ക്വിഗ്ഗിലാണ് തന്‍റെ ഭർത്താവിന്‍റെ പിതാവ് ജെഫിനെ വിവാഹം കഴിച്ചത്.
തന്നെക്കാൾ 29 വയസിന്‍റെ വ്യത്യാസമുള്ള അമ്മായി അപ്പനിൽ നിന്നും എറീക്ക ഗർഭം ധരിക്കുകയും കുട്ടിയെ പ്രസവിക്കുകയും ചെയ്‌തു. ഇരുവരുടെയും വിവാഹ ചിത്രങ്ങളും വാർത്തകളും ഇപ്പോൾ അന്താരാഷ്ട്ര മാധ്യമങ്ങളിൽ നിറയുകയാണ്. ജെഫിന്‍റെ വളർത്തു പുത്രിയുടെ കൂട്ടുകാരി ആയിരുന്നു എറീക്ക. 16-ാം വയസിലാണ് കൂട്ടുകാരിയുടെ വളർത്തു പിതാവിനെ എറീക്ക ആദ്യമായി കാണുന്നത്.
ഇരുവരും തമ്മിൽ നല്ലൊരു ബന്ധം ഉടലെടുതോടെ എറീക്കയെ തന്‍റെ മകൻ ജസ്റ്റിനു വേണ്ടി ജെഫ് വിവാഹം ആലോചിച്ചു. ഇരുവരും തമ്മിലുള്ള വിവാഹം കഴിയുകയും ഇവർക്ക് ഒരു കുഞ്ഞുണ്ടാകുകയും ചെയ്‌തതോടെയാണ് കുടുംബ ബന്ധത്തിൽ വിള്ളൽ വീണത്. പൊരുത്തപ്പെടാൻ കഴിയാതെ വന്നതോടെ എറീക്കയും ജസ്റ്റിനും വേർപിരിഞ്ഞു. എന്നാൽ ജസ്റ്റിന്‍റെ കുടുംബം വിട്ട് പുറത്തു പോകാൻ എറീക്കയ്ക്ക് താൽപര്യമില്ലായിരുന്നു. ജസ്റ്റിന്‍റെ പിതാവ് ജെഫിനുമായി എറീക്ക ബന്ധം തുടരുകയും ചെയ്‌തു.
ഈ ബന്ധം പിന്നീട് പ്രണയത്തിലേക്ക് വഴിമാറുകയായിരുന്നു. തങ്ങൾ വിവാഹം കഴിക്കാൻ ആഗ്രഹിക്കുന്നതായി ജസ്റ്റിനെ അറിയിച്ചെങ്കിലും ജസ്റ്റിന് അതിൽ വിരോധം ഒന്നും ഉണ്ടായില്ല. തന്‍റെ കുട്ടിയുടെ കാര്യത്തിൽ തീരുമാനം എടുക്കാനായി എറീക്കയുമായി സംസാരിക്കാറുണ്ട്.
മറ്റുള്ള കാര്യങ്ങളിൽ അവർക്ക് അവരുടേതായ ഇഷ്ടങ്ങളുണ്ടെന്നാണ് ജസ്റ്റിൻ പറയുന്നത്. ജെഫിനും എറിക്കയ്ക്കും ജനിച്ച കുട്ടിക്ക് ബ്രെക്സ്ലീ എന്നാണ് പേരിട്ടിരിക്കുന്നത്. പ്രായവ്യത്യാസം ഞങ്ങൾക്ക് തടസമല്ലെന്നും തങ്ങൾ ഇപ്പോഴും പ്രണയിക്കുകയാണെന്നുമാണ് ജെഫിൻ പറയുന്നത്.
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: